السبت، 21 أغسطس 2010

الحلقه الاولى


الحلقه الاولى

تبدأ الاحداث فى الاسكندرية بأمواج البحر وجمال مياهه ثم بشقه فى الدور الرابع بالمنتزه ودى شقه اسلام مهندس 25 سنه ((له اختين يارا فى 3 ثانوى ومنه 4تربية انجليزى ودى متجوزة وعايشه فى دبى والده ووالدته متوفيين ))



يصحى محمد مستمتع بالجو الجميل يخرج البلاكونة يشم هوا ويرن جرس التليفون

.يدخل محمد ويرفع السماعه
محمد : الو
منه بإنهيار : الحقنى يامحمد
محمد يتخض على اخته وبلهفه : مالك يامنه فيه ايه
منه : خلاص يامحمد انا لازم اطلق
محمد مندهش جدا : تطلقى ليه ايه اللى حصل
منه : مصايب يامحمد انا صبرت كتير انا لو فضلت هنا هموت والله هموت انا لازم انزل يامحمد لازم تشوف صرفه انا اللى جنيت على نفسى يارتنى سمعت كلامك وتعيط بحرقه والخط يقطع
محمد : منه الو الو ................ محمد هيتجنن على اخته
منه ماسكه السماعه بعصبية : الو ......الو محمد الوووو وتعيط اكتر تقعد على الارض وترمى السماعه جنبها وتسند راسها على حرف الكرسى وتفتكر ذكرياتها مع حبيب القلب

( تفتكر اول يوم اتقابلوا فى القاهرة كانت لسه فى 3تربيه كانت واقفة مستنية الميترو مع صحبتها روضه .... وكان واقف جنبها كل شوية يبصلها اعجب بيها جدا جمالها سحره ..... وبدون تفكير حاول يكلمها لكن هى صدته وجه الميترو ركبت وركب وراها ولما نزلت نزل)

روضه : الحقى دا نزل ورانا ..شكله واقع ههههه

منه : طب خليه كدا يتكلم وانا اقطعله لسانه دا

روضه : ياجامد .....ماشى يلا سلام اشوفك بكره بس متتأخريش مش عايزين الدكتور يقفل فى وشنا الباب زى المرة اللى فاتت

( ووتمشى روضه وتعدى الشارع .........ياسر اول ما يلاقي منه ماشية لوحدها ييجى جنبها)
ياسر: بجد انا مستخسر اسيبك .....انت اجمل واحده انا شوفتها

( ساعتها هى وقفت وبصتله )
وبإسلوب حاد : فيه ايه حضرتك رايح جاى ورايا مينفعش كدا الناس تقول ايه
ياسر : والله انا مش بعاكس انا غيرت طريقى عشانك بجد انا مش عارف اول ماشوفتك شدتينى جدا حاسس انى اعرفك من زمان مش بكذب عليكى والله وبجد اتمنى انى اتعرف عليكى اكتر
((منه تتبسط اوى وقلبها يزغرد لكن تبصله من فوق لتحت وتسيبه وتمشى ومتردش عليه ومن وقتها وهى دخلت دماغه
وفضل ماشى وراها لغاية ماعرف بيتها وفعلا راح واتقدملها

((ياسر محاسب وشغال فى البحرين ))

سعاد والدت منه شايفه ان دى فرصه ومنه مش عارفه تاخد قرار ومحمد مش مرتاح وحاول يقولها وهى مسمعتش ....للاسف كان عندها فراغ عاطفى كبير ومصدقت لقت حد هيملاه ومحمد لما شاف كدا محبش يطفى فرحه اخته

ومحبش يذود الخوف جواه ...وقال ان دا رد فعل طبيعى ان واحد غريب يدخل ياخد احته وحبيبة قلبه واتخطبت منه لياسر وكان اول واحد فى حياتها ....حبته لدرجه متتخيلش ....واتجوزت منه وكان احلى شهرعسل قضته معاه وبعد فترة سعاد اتوفت وسافر ياسر ووعدها انه هيبعتلها بسرعه وفعلا سافرت منه لكن سافرت للموت برجليها ....!!!!

*******************************************************
ويرن موبايل فيروز وتمد اديها تطفيه وبعد شوية تقوم بكسل تاخد شاور وتشغل موسيقى هادية وتعمل النيسكافيه وتروح تلبس هدومها وتنزل تاخد عربيتها وكالمعتاد تشترى الجرايد من عم سيد وتروح على شغلها
(( فيروز بنت جميلة ورقيقه اى حد بيتعامل معاها بيحبها باباها غنى جدا مسافر هو ومامتها الكويت من زمان وهى عايشة وحيدة من يوم موت جدتها ملهاش حد غير صحبتها سلمى من ايام الجامعه ))

توصل فيروز الشغل تسلم عليهم وتبص متلاقيش سلمى
وتكلم نفسيها : ياترى ياسلمى مجتيش النهاردة ليه اكيد فيكى حاجة كان باين على صوتك امبارح ربنا يستر
وهى فى عز شرودها تدخل عليها سماح
سماح : ياصباح الفل .....وفيروز سرحانه وتعلى صوتها : ياصباح السرحان
تنتبه فيروز لسماح وتبتسم : صباح الياسمين
سماح : اللى واخد عقل تتهنى بيه
فيروز : يابت مش هتبطلى .....كنت بفكر فى سلمى عشان مجتش وقلقانه عليها
سماح : خير ان شاء الله اكيد راحت عليها نومه ولا حاجة المهم انت روحى للاستاذ حسن لانه عايزك
فيروز : خير على الصبح كدا طيب هروح انا واتصلى على انت على سلمى
وتقوم فيروز عشان تروح للمدير

توصل فيروز لمكتب المدير عشان تشوفوا عايز ايه

********************************************************

وفى الوقت دا محمد هيتجنن يمسك تليفونه ويتصل على منه يلاقى موبايلها مقفول يتصل على البيت يلاقيه مشغول يفكر يتصل على ياسر جوزها بس خاف يعملها مشاكل لكن قلبه مستحملش عايز يطمن على اخته ومسك السماعه واتصل على ياسر
ياسر يبص للتليفون وبزهق : عايز ايه انت كمان ......ويرد ... حبيبى
محمد : الو ازيك ياياسر واحشنى والله اخبار ايه
ياسر : وانت اكتر انا تمام الحمد لله
محمد : منمونة عامله ايه بتصل على موبايلها مقفول قلقت عليها .... واحشنى صوتها قوى هى جنبك اكلمها
ياسر : لا انا فى الشغل
محمد : طيب اكلمها على البيت
ياسر : لا متتصلش عليه هو بايظ بص انا اول مااروح هخليتها تكلمك اسيبك انا دلوقتى عشان عندى شغل كتير سلام
محمد :يقفل الخط ويهز راسه وبصوت واطى سلام

محمد قلبه مش مطمن لكن يستنى يشوف هل هيكون صادق ويخليها تتصل ولا لا

***********************************************************

تخرج فيروز من عند المدير ومعاها سراج دا زميلهم الجديد الاستاذ حسن كان عايز فيروز تدربه لانها اكفأ واحده وهو مش بيثق فى حد غيرها لانها بتحب شغلها ومخلصه فيه

فيروز : ان شاء الله هتتبسط من الشغل معانا كلنا اخوان وايد واحده بس اهم حاجة االانضباط والتركيز
سراج : ان شاء الله اكون عند حسن ظنكم
فيروز : خلينا نروح على المكتب وناخد اول درس بس الحساب يجمع اخر الشهر ويضحكوا

ينتهى اليوم والكل يروح لكن فيروز تروح بيت سلمى (ياترى هى كمان مالها )

ودا اللى هنعرفه الحلقه الجاية





هناك 46 تعليقًا:

داليـ ـ ـ ـ ـ ـ ــــا يقول...

صباح الفل على عيونك

داليـ ـ ـ ـ ـ ـ ــــا يقول...

طيب بما إنى أول حد يدخل المدونه
وأول حد يعلق فى المدونه

مبروك على المدونه الجديده

واروح بقه أقرء واجى

داليـ ـ ـ ـ ـ ـ ــــا يقول...

جمييييييييييييييييله
حلو عنصر التشويق
وده اللى هنشوفه الحلقه الجايه
ماشى ياستى
منتظره الحلقه الجايه
تنفع مسلسل

بس بجد تعرفى تكتبى مسلسل مكون من أفراد وشخصيات كتيره

بقلك إيه ليا طلب قبل ما انسا
متجوزينى محمد أخو البنتين
هههههههههههههه
أنا بكلم جد

سلام

شوية قهوة يقول...

ازيك يا قمر
مبروك المدونة الجديدة
القصة شكلها حلو اوي
ومتشوقة للباقي
بس عندي سؤال انتي هتنزلي حلقة كل قد ايه ؟؟؟
عشان اعرف اتابعها بانتظام

أتنين حبيبين يقول...

لولولولولولولولوى


مليون مبروك يا خالتى

الف مبروك

مدونه جميله ورقيقه
يارب تكون فاتحة خير عليكى يا حبيبتى

لولولولولولولولولوووووووووووووى

أتنين حبيبين يقول...

(ياترى هى كمان مالها )

ودا اللى هنعرفه الحلقه الجاية


ممممممممممممممممم

متشوقه أعرف ياقلبى

ربنا يتمها على خير
بس انا اقترح كل اول اسبوع بنفس الميعاد تنزلى الجزء اللى وراها عشان تاخد حقها كويس

مزيد من التوفيق يا حبيبتى
والف الف مليون مبروك

إيمان يقول...

ياصباح القصص الجميله
بجد حلوة اوى تسلم ايدك
وان شاء الله اتابع بقيه الحلقات
ومبرووك ع المدونه الجديده
تحياتى وحبى

عمرو يسرى يقول...

مبروك المدونه الجديده
قصه جميله مستنى اعرف اللى هيحصل فى الحلقةالثانيه

تيمور يقول...

صباح الجمال

خضتينا على البنت

وتفصلى قبل ما نعرف فى اية

ماشى تشويق بقى هههه

تحياتى

richardCatheart يقول...

مبروك الف مبروك على البلوج الجديد ربنا يجعله عتبه خير ان شا ء الله

حلو الحلقه الاولى بس هانتابع ونشوف مش هانحكم الا لما نتابع كام حلقه

ربنا يكرمك وتعملى شغل حلو يا حلو

الــحــــنـــــــــــــــــــين يقول...

السلام عليكم والله العظيم والله العظيم تستحقى الف جايزه من اول حرف وانا مش عارف اغمض عينى ومتشوق جدا جدا للبى حيحصل لمنه وياسر وفيروز ومحمد بجد ما شاء الله عليكى

دعاء العطار يقول...

مبرووووك البلوج الجديده

ومبرووووك القصه الجديده

عجبنى اووووووى عنوانعا " قلوب بلا مرسى "

حلو بجد

بالتوفيق ان شاء الله

وفى انتظار باقى الحلقات

أحــوال الهـوي يقول...

مبروووووووووووووووووك
الافتتاح الكبير

الف مبروك
و ايه قصه و حلقات و مسلسلات بس ناقصه بعض الوصف و التخيل للشخصيات و الاماكن
لكنها واضح انها فيها احداث متداخلة و مثيرة

تحياتي

سندباد يقول...

مبروك المدونة الجديدة وحميل تسلسل الافكار وعنصر التشويق
اعتبريني من متابعين القسة من دلوقتي وفي انتظار باقي الاحداث
تحياتي

جوجو يقول...

السلام عليكم
ياترى سلمى هى كمان مالها؟
حيرينا بقى مش تتأخرى علينا
جميلة جدا ربنا يوفقك
تحياتى

جايدا العزيزي يقول...

جميله اووووووووى القصه


طريقه سرد هايله


وتسلسل رائع للاحداث


تسلم ايديك


وكل عام وانت بخير

غير معرف يقول...

مبروك يا دموع القمر على المدونه الجديده
القصه جميله تسلم أيدك بجد
بس أشمعنى أختارتى اسكندريه وبالذات المنتزه ؟؟
ههههه

mrmr يقول...

مبرووووك مبرووك
سرد القصه رائع
وكمان عنصر التشويق موجود
واكيد ح يكون فى مفاجأت
انا فى نتظارها

بس بجد روووووووووووعه

Hanan Elshafey يقول...

جميله
مستنيه الحلقه التانيهبس ابقي قولي زي المره دي

حلوه فعلا

محمود نشأت يقول...

مبارك عليكى المدونه الجديده
و بدايه موفقه جدا ما شاء الله

R-H-S يقول...

انتي هتعملي هنا مسلسل مش كفايه مسلسلات رمضان
هههههههههههههههههه

بصي انا محبش اتفرج علي حاجه علشان عنصر التشويق دا تنزلى علي الاقل خمس ست حلقات مع بعض

بدايه موفقه

MOHAMMED ELBANNA يقول...

همسات
مدونه جميله وفكره جديده .
ولكن هل ستكون هذه المدونه لهذه القصه فقط بحلقاتها المتتابعه ؟
أم أنها ستكون مخصصصه للقصص والروايات عموماً ؟
أسلوبك جميل وفي أنتظار الجزء الثاني....
تقبلي مروري
محمد البنا

ليس فقيرا من يحب يقول...

يا مساء السكر يا توتى
ايون كده ارجعى بقصصك وروقانك بتاع زمان حلوة البدايه ومستنيه الحلقه الجايه ان شاء الله ومبرووووووووووووووووووووووووك على المدونه الجديده وكل سنه وانتى طيوووووووبه ياروح قلبى وحشاااااااااااااااااانى جدا جداااااااااااااااااااااااااا ها فى القاهرة ولا رجعتى مسقط راسك يااااااااااااااارب تكونى بالف خير

Ramy يقول...

أولا مبرووووك

المدونة الجديدة

جميلة جدا بجد صدقينى

القصة بقى

الله الله الله

جميلة القصة و الخطوط الدرامية اللى فيها

مع الحلقات هنعيش اكتر و أكتر بأذن الله

إلى الأمام يا رومل (:

اوعى تزعلى بهرج (:

ربنا يوفقك

(:

Story pain يقول...

مبروك يا قمر علي المدونة

اسمها وتصميمها اكثر من رائع


انت اختارتي طريقة لسرد القصة كسيناريو وده فن ومجال مختلف عن كتابة القصة القصيرةأو الرواية..وليه برده قواعد مختلفة
واضح أنك مش بس بتكتبى لكن قرأتي كمان او درستي كتابة السيناريو
لاهتمامك بكتابة اسماء الشخصيات بحجم اكبر..ينقص فقط كتابة عناوين للمشاهد يكتب فيها مكان وزمان المشهد
كتبت الحوار باسلوب ممتع وشيق جداوربطتي بين الاحداث ببراعة

تسلم ايدك..ان شاء الله سأكتب بعض الملاحظات في تعليق آخر

في انتظار الحلقات القادمة

خواطر شابة يقول...

مبروك المدونة الجديدة وان شاء الله سأتابع
الان احاول ان استجمع الشخصيات وعلاقاتها ببعضها البعض كي لا اتوه
دمت بكل ود عزيزتي ورمضان كريم

Sahar Elgafary يقول...

بسم الله والصلاة علي رسول الله
مبروك ياقمر
بدأت القصه بطلاق ..وده أمر صعب ...وللأسف متأصل بعمق في المجتمعات اليوم..
لي تجربه بقصه عن نفس الموضوع( شيطان يرقص في بيتي ) ولكن واخده منحنيات عديده ..وتخبط بس رائع بين الحب والألم..تبدأ:
ب نمقت الورد أضأت الشمع أسكنت الهدوء في البيت..أرتديت كما ترتدي الفتيات في باريس ..وضعت البارفان ..ورسمت أبتسامه رغم الأحزان ..لكن شيطان يرقص في بيتي فوق رأسي وتحت قدمي..وكلما أقتربت من زوجي فرقني منه...وكلما أقترب مني زوجي فرقه عني...
سردت فيها تخبط الناس واللجوء لغير الله ...كالجوء للسحره ...الخ
حاولت فيها أن أقول مهما كان الحب كبير ...لابد أن نفترض فيه السقوط
وهذا لأنه يبدأ بعيدا عن الأسره أولا..
أما في سردك أحداث قصتك..فربما البطلة هنا لم تسمح إلا بالخطوة الصحيحه من أول وهله..
وأنا متشوقه لأعرف أسباب معاناتها حتي تصل للطلاق..
وأنا في إنتظار المزيد لنتعرف علي جديد أنهيارات المجتمع العربي والمصري بالخصوص..
للننقد ونسرد..وربما نتعلم أن لايقهرنا الشيطان حتي يلبس التاج حين تطلق فتاة...ويهدم بيت.

rasha يقول...

القصة شكلها جميلة واسلوب التشويق ده بيعمل جذب للقارئ وده عنصر مهم فى اى قصة

هي وظروفها يقول...

مساء الخير

نسيتي كلمت ماتت بعد جدتها :p

طبعا عشان احكم علي قصه محتاج افراها كلها واشوف تناسق وتداخل الفصول وسلاسه الاسلوب اينعم واضحه بس مع التقدم ف القصه اتمني متقعيش ف فشه التسريع وخللي بالك من عنصر مهم جدا وهو التوقع والقراءه ما بين السطور للقاريء وسيبي للقاريء المجال انه يرسم للشخصيات صوره من زهنه
ايه ده هو انا عامل فيها رفيق الصبان كده ليه ما البت كاتبه وباديه كويس اهو اطلع انت منها يا عم وليد يا رخم
رمضان كريم وربنا يوفقك انتي ف اداب عربي ولا ايه؟؟

مدونه هنا السناهره يقول...

كل سنه وانتم طيبين
انا صاحب مدونه هنا السناهره واتمني زيارتي وابداء ارائكم في مواضيعي وشكراااااااا

yasmina يقول...

مبرووووووووووووووك
يا احلى توتة على المدونة الجديدة
بجد رائعة حقيقى ما انتى عارفانى مش بعرف اجامل

بجد جميلة اوى مع ان اسمها صعب اوى
المهم
بجد القصة رائعة كالعادة بجد قصصك وحكاياتك بتعجبنى جدا فى اسلوبها وكلماتها وكل حاجة فيها بجد

واحلى حاجة بجد انك قدرتى تخلينى استنى الحلقة اللى جاية على نااااااار
ان شاء الله اقدر اتابعها

تحياتى ليكى يا قمر وبجد رائعة استمرى
لاننا منتظرين المزيد دايما منك

سلام يا توتة ونتقابل الحلقة اللى جاية مستنياها

باحث عن حب يقول...

السلام عليكم والله انا وف المدونه
من اول ما كانت مكتوب فيها لاتوجد مشاركات جديده
وشوف البوست لما نزل كمان
بس الظروف لم تكن
تسمح بالرد
واسف على التأخير
مبروك المدونه الجديده
والظاهر كده
انكى اديبه
يارب يبارك فيكى يا دموع
لى عوده لانى
لم اقرأ القصه
بصراحه ومبحبش اعلق كده وبس
ربنا يبارك فيكى يارب

Lady E يقول...

اولا مبروك المدونة الجديدة

ثانيا قشطة عليكي عجبني اسلوبك جدا اسلوب سلس وممتع بس في شوية ملاحيظ

اولها ان في اخطاء املائية وتاني حاجة ان الشخصيات كتير اوي بالنسبة للبداية

غير كده بجد كلامك ممتع جدا ومشوق

go ahead

باحث عن حب يقول...

ايه الجمال ده كله

اسلوب سرد
جميل
ورقيق
وسريع
وكمان
طلاق وكده
مسنتى الباقى
يا
دموع

موجة يقول...

بسم الله ماشاء الله
اسلوبك ممتاز
بيفكرنى بمسلسلات القناه الاولى
بس المفروض كل يوم تنزل حلقة
مش كل فين وفين
وكمان المدونة رائعة
مبروووك عليكى وعلينا

Unknown يقول...

حلوة قوى القصة دى انتى شدتينى علشان اعرف الباقى وخصوصا عاوزة اعرف ايه اللى حصل لمنه اصلا انا كمان منه اسمى يعنى منه تقبلى مرورى وهتنسى بقيت الحكايه .ياريت تشرفينى بزيارة مدونتى

~ISLAM~ يقول...

كلام زى الفل استمرى
انا عايز اعرف الواد ياسر ده مزعل منه ليه ومين سلمى دى كمان
شكل الموضوع كبييييير
انا مستنى الحلقه التانيه
والف مبروك على المدونه

محمد التركى يقول...

أنا أسف جدا جدا على التأخير
معلش سامحينى أنشغلت بالشغل عن الناس الحلوة والتدوين

ألف ألف مبروك ياقمر على المدونه الجديده
بسم الله ماشاء الله جميله زى اختها

ربنا يباركلك فيهم
قصه جميله جدا وفيها التشويق
أنا مستنى الجزء التانى
أكيد هتبعك على طووووووووول

تقبلى مرورى الأول وليس الاخير

تحياتى لأجمل قلوب

محمد التركى

Rosie يقول...

معلش التعليق أتأخر..بصى هو انت شكلك فى دماغك افكار كتير ممكن تعمل قصة هايلة بس فيه شوية مشاكل..المفروض أول حلقة دى عاملة زى واحد بيدخل بيت لأول مرة..مش عارف حاجة خالص فيه لكن فى نفس الوقت لو أتقاله سبعتلاف معلومة فى نفس الوقت هيتلخبط و ينسى..أنا بتهيألى أنك قلتى كمية معلومات كتيرة لدرجة ممكن توصل للخبطة..يعنى مثلا مش لازم كل الشخصيات تتطلع فى الحلقة الأولى..ممكن تبدأى بحد واحد زى ما كنت بدأه بمحمد و بعدين تبدأ الأحداث و الشخصيات تتفرع منه..ياريت ماتكونيش زعلتى..بس أنا لما كنت باكتب قصة و كنت بانشرها فى جروب على الفايسبوك الناس كنت بتقولى نقد فعلا مقيد و كانت بتطلعلى الحاجات الكويسة و الوحشة و أنا بحاول أبقى مفيدة زيهم..سلام يا قمر..

شمس النهار يقول...

اخيرا قريت القصه
كل مااجي هنا ياالنور يقطع ياالنت يقطع يايجيني ضيوف

:))))))

عموما انا مش بحب اعلق علي القصص الا لما تخلص
بس البداية تبشر بالخير
شيقة

ان شاء الله تكمل علي خير اجي
ونعلق بقا ونقول

ومبروك علي المدونة من التعليقات عرفت انها جديدة وكمان مافيش بوستات سابقة

رمضان كريم

غير معرف يقول...

حلو يا توتو يااااااااااااسلام بس بلاش تشوقنا بقى احترمنى شويه

bianka

Unknown يقول...

احجز مكانى اي نعم متأخر بس معلش والله ظروف اقرأ بقى واجيلك يا قمر اما نشوف اخبارى ايه ف بوستك المرادى اخبار منه يعنى ههههههههه

Unknown يقول...

ايه ده انا طلعت اول وحده اعلق لولولولولولولى والله فرحت انا كده حجزه اول تعليق يا بختى بس بردو لسه مش قرأت والله انا متشوقه اوى هعمل حاجه ف السريع واجى اقرأ واعلقلك يا قمر

ساسو يقول...

مبروك المدونه الجديده الرقيقه
عارفه انها متأاخره
بس متزعليش مني

ياسلام علي الجمال
بجد انا بقي حظي حلو اوي
لأني جيت متأخر
كده اعرف ايه اللي حصل
بدل ما اقعد استني واتجنن
بس بجد حلوه طحن يا دموعي يا عسوله

وردة الحياه يقول...

مدونة جميلة ورائعه جدا تقبلي مروري

غير معرف يقول...

يااااااااااااااااااسلااااااااااام
تسلم يا معلم عيزين الحلقات ورا بعض بسرعه احترمنى شويه
يااااااااااااااارب اشوفك اكبر اديبه ياااااااااااااارب
bianka