الجمعة، 27 أغسطس 2010

الحلقه الثانية


بشكركم جدا على النصايح الجميلة انا عمرى ماازعل بيدينى معلومة او بيوجهنى لجاحة بالعكس بفرح ان لسه فيه ناس بتحب الخير للى قدامها


انتهينا المرة اللى فاتت
محمد مستنى تليفون من منه عشان يطمن عليها
وان فيروز راحت لسلمى عشان تعرف مالها

*******************************
توصل فيروز لبيت سلمى
(سلمى دى بنت جادة منطوية بتحب بابها جدا يمكن شوية بعيده عن مامتها لكن برضو بتحبها وعمرها مافكرت تقرب منها ساكنين فى بيت متوسط الحال فى الجيزة )

يرن جرس الباب

زينات فى المطبخ : افتحى ياسلمى
تقوم سلمى من على السرير وتروح تفتح
سلمى : فيروز اهلا اتفضلى
فيروز : ايه اهلا دى مفيش وحشانى مفيش ازيك مفيش حضن بوسه اى حاجة ترفع من معنوياتى يابت هو انا نايمة فى حضنك من امبارح
سلمى بإبتسامه خافته : حقك عليا والله انت بجد وحشانى تعالى ندخل الاوضه
ويروحوا على اوضه سلمى ويقعدوا على السرير
فيروز : ممكن بقى اعرف مجتيش النهاردة الشغل ليه كلهم سألوا عليكى النهاردة
سلمى بزهق : مليش نفس اعمل حاجة ولا اروح فى حته
فيروز : دا انت حالتك صعبه مالك ياقطتى انا كنت حاسه من صوتك امبارح ان فيه حاجة
سلمى بعيون مدمعه : نفسى اطلع من البيت دا زهقت خلاص كل يوم خناق خناق كرهت البيت وكرهت كل حاجة فيه دايما ماما وبابا يتخانقوا وماما هى السبب مش عارفة هى بتعاملوا كدا ليه هو يعنى هيموت نفسه طول النهار فى الشغل يادوب ييجى ينام ويمشى تانى هى بقى مابتصدق تشوفوا وهاتك ياخناق ساعات بيبات يومين وتلاته بره عشان خاطرها وعشان يعيشنا احسن عيشه ويجبلنا كل اللى نتمناه
دايما معاملتها معاه جافه هو بيصعب عليا كتير وامبارح حصلت خناقه كبيره واول مرة يمد ايده عليها وساب البيت ومشى وهى فضلت تدعى عليه وتشتم فيه هو كان عملها ايه تعرفى ساعات بحسدك على انك قاعده لوحدك لاام ولا اب
فيروز تتأثر جدا من كلام سلمى تقرب منها وتمسع دموعها وتاخدها فى حضنها : حبيبتى مهما كان دى امك انت متعرفيش هى مالها او ايه اللى جواها انت حتى عمرك ماقربتى منها مش يمكن هى عندها حق انت متعرفيش اسباب خلافها مع باباكى انت كل اللى بتشوفيه وتسمعيه الخناق وبس مجربتيش تقعدى معاها مرة وتحكوا سوا مجربتيش تروح تمسحى على راسها وتوفيها مالها جربى
احمدى ربنا ان ليكى ام واب صدقينى دى نعمه ربنا يدمها عليكى ...........فيروز تحاول تغير الموضوع
وبإسلوب لذيذ : اخبار حزومه حبيب القلب ايه يابت
سلمى تضحك اوى : اخده الغراب وطار
فيروز : نعم
سلمى : هيخطب بنت عمى يوم الخميس اترنه كان بيحبها وانا بغبائى فاكراه بيحبنى انا
فيروز مش عارفة تعمل ايه جت تخرحها من الموضوع دخلتها فى موضوع اكبر
ويسود الصمت للحظات وتبص فيروز لسلمى : اسكتى جه النهاردة واد زى القمر الاستاذ حسن خلانى مشرفه عليه تخيلى بقى
سلمى : يلا خلينا نخلص ونفرح بيكى
فيروز : انت اتخبطى فى عقلك حب ايه اللى انت جاى تقول عليه لا يوونكن
تدخل زينات(مامه سلمى ) على ضحك فيروز وسلمى والهم والحزن مرسومين على وشها وهقت من العيشه مه جوزها لكن هى مستحمله عشان خاطر سلمى عشان خاطر تحس بطعم الاسرة (بس ياترى هى مبقتش طايقه العيشه معاه ليه ) وتحاول تتصنع الابتسامه وتبص لسلمى : اخيرا فكيتى التكشيرة لو اعرف ان فيروز هتعمل كدا كنت جبتهالك من زمان
فيروز : ازى حضرتك ياطانت
زينات : ازيك ياروح طانت عامله ايه وماما وبابا عاملين ايه مش ناويين يجوا
فيروز : قولى يارب كل سنه بيقولوا هينزلوا لكن انا فقدت الامل
زينات : يجوا بالسلامة ان شاء الله
وتروح على المطبخ تعمل حاجة لفيروز
فيروز: بقولك ايه انا همشى دلوقتى هكلمك باليل ولا اقولك هعدى عليكى نخرج شويه اوك
سلمى : سبيها على الله
تخرج فيروز وهى حزينه على صحبتها وتيجى زينات
زينات : الله مش كنتى خلتيها تستنى تشرب حاجة
سلمى : هى ضيفه يعنى عشان تشرب حاجة البيت بيتها وتسيبها وتدخل الاوضه
زينات تنادى على سلمى بصوت حنون : سلمى مالك حبيبتى انت ليه دايما منطوية بعيده عنى حتى مش مديانى فرصه اقرب منك اتكلم معاكى ليه حاطة 100 حاجز بينى وبينك دايما كلامك قاسى معايا انا مستحمله تفتكرى ليه ..... سلمى انا بحبك انا مليش فى الدنيا غيرك والله ماهتلاقى حد يحبك قدى دا قلبى شافك قبل عنيا والدم اللى بيجرى فى عروقك من دمى انت اغلى حاجة عندى بكرة تجربى غلاوة الضنا وساعتها هتعرفى انك كنتى قاسية عليا قوى سلمى انا مستحمله العيشه فى البيت دا عشان خاطرك انت فعلا مبقتش طايقه خلاص
سلمى قلبها يوجعها من كلام مامتها لكن ترد عليها : ليه مبقتيش طايقه تعيشى معاه هو عملك ايه انت عمرك ماقربتى منه من يوم ماوعيت على الدنيا دى وانا شايفه قسوتك معاه عمرك معرفتى هو بيشكى من ايه انت اللى قاسيه عليه دايما تتخانقى معاه حتى مش راضيه تخلفى منه ودايما هاجراه وكل واحد منكم فى اوضه
ليه دايما بتتخانقى معاه جاوبينى ليه دعيتى عليه امبارح ليه
زينات يمتلكها الغضب : اسكتى بقى حرام عليكى انت ايه انت جبتى القسوة دى منين انت بتدافعى عنه كدا ليه هو بيمثلك ايه انت تعرفى عنه ايه كفايه بقى كفاية انت دايما بتحبيه اكتر منى بس لازم تفهمى انه عمره ماحبك لانه ..... وتسكت بس تعرفى انا اللى استاهل انا اللى وصلتك لكدا بس اقولك ايه ..........وتسيبها وتروح على المطبخ ( ياترى مخبيه ايه جواها )
سلمى تدخل اوضتها تقفل الباب وراها وتفضل تأنب نفسيها ايه اللى انت هببتيه دا ازاى تكلمى مامتك بالاسلوب دا انت ليه دايما كدا
هى عملتلك ايه كل اللى بتحتاجيه بتجبهولك بتحبك بتخاف عليكى وترد على نفسيها لا ماانا مش فاهمه هى بتعمل معاه كدا ليه اللى يشوفهاوهى بتتكلم معايا عليه وازاى هو طيب وحنين وقلبه ابيض وبيحبنا وبيسهر الليالى عشان يجبلنا اللى نتمناه ميشوفهاش بعد كدا
عيب ياسملى اللى انت عملتيه روحى صالحى مامتك افرض جرلها حاجة وهى غاضبانه منك
وتروح سلمى عشان تصالح زينات

*************************************************************

فى الوقت دا يروح ياسر يركن عربيته ويطلع بالراحه ويفتح الباب بالراحه ويدخل ويرزع الباب وراه
تتخط منه وتنفخ بزهق : انت شرفت
يدخل ياسر المطبخ وبإبتسامه : منمونتى ......... ويحط ايده على وسطها ويبوسها : حبيبى عامل ايه النهاردة هى معتبراه مش موجود وتقطع فى الخطار
ياسر : امووت انا فيكى ....... الاكل من ايدك ليه طعم تانى ويمسك اديها وعايز يحطنها ترمى منه السكينه بعصبيه
منه : مالك ياياسر
ياسر : وحشانى
منه : ماتشوفش وحش ياحبيبى
ياسر : الله ...... حبيبى تصدقى انها وحشتنى الكلمه دى بتطلع منه سكر ويديها بوسه على الهوا ولسه هيخرج بره المطبخ يرجع تانى
ياسر : اه نسيت اقولك ......... ويقرب منها وبصوت واطى يوشوها محمد اتصل عليا النهاردة
منه تتلخبط والسكينه تقع منها تنزل تجيبها وهى باصه لياسر وبخوف : قالك ايه
ياسر : مالك يانور عينى اتخطيتى ليه هو بيقوووول انه عايز يطمن عليكى اصل صوتك وحشه على اساس انه مش كلمك اول امبارح بس تعرفى انا حاسس ان فيه حاجة ويمسك شعرها جامد ويقرب وشه منها : عارفة لو عرفت انك كلميته من ورايا هعمل ايه
منه تبصله ومش قادره تتكلم ودموعها تنزل وتحاول تتصنع الابتسامه : انا عمرى مااعمل حاجة من وراك
ياسر : انا بفكرك بس ويسيب شعرها وبصوت واطى : لالالا حبيبى مايعيطش امسحى دموعك وحضرليلى الاكل
يطلع فى الصاله تطلع وراه
منه : طب ممكن اكلمه اسمع صوته هو ويارا
ياسر : اتفضلى ويرملها التليفون على الكنبه
تروح تجيبه وتبصله وتهز راسها
وبالفعل تتصل على محمد
((( ياترى ايه اللى حصل ......... دا اللى هنعرفه الحلقه اللى جايه )))

هناك 33 تعليقًا:

شوية قهوة يقول...

حلوة اوي
مش معقولة التشويق دا
يلا بسرعة بقى

Ramy يقول...

دموع القمر

بجد تسلم ايدك

يالا احنا وراكى اهوا

لما نشوف أخرتها مع ياسر دة

(:

بس متتأخريش علينا (:


رمضااااان كريييييم

mrmr يقول...

باين عليه ياسر ده عامل مصيبه
اهووو وراك وراك يا ياسر لما اعرف ايه اللى مخبيه

ولا ابو سلمى باين عليه كده مش ابوها
شكله كده الله اعلم

شوقيتنا بجد للاحداث
عنصر التشويق ده جميل

فى انتظار المزيد

غير معرف يقول...

جميله بجد
تسلم أيدك وفكرك
شوقتينى

مستنيه الحلقه الجايه
دمتى بخير يا دموعى

موجة يقول...

انت فعلا فعلا هايلة يا بطتى
محيرانى زينات اوووووى
واسلوب ياسر عاجبنى قسوة وحنية فى نفس الوقت
ده لحد دلوقتى
يلا بسرعة عاوزين الحله التالته
بسرعة بقى
المسلسل قلتك بيتزاع يوميا
مش كل اسبوع مرة
اشطة عليكى ياقمر

تيمور يقول...

هو الواد دة بيعامل مراتة كدة لية

متابع معاكى

تحياتى

غير معرف يقول...

انا مش قادرة استني يا توتة
نزليها بسرعه بقي
يلالالالالالالالالالا ديدي

إيمان يقول...

قصه مشوقه جدا
فعلا جامده
تسلمى بجد
واحنا بنتابع اهوه
ياترى فى ايه
دومتى مبدعه
تحياتى وحبى يابنت بلدى

باحث عن حب يقول...

هيخطب بنت عمى يوم الخميس اترنه كان بيحبها وانا بغبائى فاكراه بيحبنى انا
فيروز مش عارفة تعمل ايه جت تخرحها

اخطاء املائيه
اترنه----اتريه
تخرحها---تخرجها
مستنين بقه الباقى وانا متربص
للاخطاء الاملاءيه وهديكى الدرجه الحلقه اللى جايه

يا اديبه المدونات

Unknown يقول...

عاجبني أوي الصاصبنس اللي ف البوست ، تقريبا في كل عيلة في مصيبة مستخبية...
أدينا قاعدين ورانا ايه :)
تحياتي...

إيمان هلال يقول...

لذيذه اوى الحلقه دى

نزلى الباقى بسرعه

سندباد يقول...

انا جيت اهه
اسلوبك يزداد تشويق وعمق والافكار ابتدت تتضح وتتبلور والجميل ان كل بطل في الحكاية ليه سر وده اللي مخلي الموضوع مشوق
احسنتي وفي انتظار باقي الحلقات
تحياتي وشكرا لمرورك لمدونتي وياريت تديني خبر اول ما تنزلي الحلقة التالتة

romansy يقول...

اهلين منديلى الحلو عارف اجمل حاجه فى القصه انها مش معقده بسيطه واشخاص تحس انهم اشخاص عايشين معانا فى الواقع
كملى يا منديلى الحلو الله ينور عليكى

عمرو يسرى يقول...

جميله جدا بس هو ايه حكايه ياسر
ادينا منتظرين الحلقه الجايه
شكله عامل كارثه

Sahar Elgafary يقول...

بسم الله والصلاة علي رسول الله
رغم بساطه الكلمات وعفويتها إلا إن المعني همه تقيل قوي ...ولسه ياما هانشوف..
زنات بقه سكتت العمر عن أيه وبتدفع تمنه مع بنتها دلوقتي..
أما ياسر فهو مناخوليا عاوز دكتور أنف وأذن وحنجره...
عشان يعملوا عملية حذف ليهم..
يمكن يشتهي الدنيا من خلالها ويسمع ويتكلم بصوتها...
عارفه لو أنا هاقولوا (طلقنــــي)
وخليه بقي يرفض وأنا أخلعه.

الــحــــنـــــــــــــــــــين يقول...

السلام عليكم بجد روعه وجميله جدا والله بس فى ملاحظات ممكن اولا
سلمى دى بنت جادة منطوية بتحب بابها جدا
ده اللى يقراها يوقل باب مش والدها يعنى
ثانيا تقرب منها وتمسع دموعها
تمسح دموعها
بس والله فيها كل حاجه جميله انا حاسس انى معاهم بجد اسلوب جميل اوى

Rosie يقول...

الحلقة دى اكثر تماسك من الحلقة الثابتة و فيها تركيز اعلى..و كده انت بقيتى ماسكة شخصيتين اساسيتين و الباقى بيتفرع منه..كمان نسيت أعلق على اسم القصة المميز...لكن عندى اقتراح لو تحطى الكلام فى " " أقواس كده..عشان كله ميدخلش على بعضه..
كمان حبيت أقولك ان الكلام شبه الكلام اللى بيتقال كل يوم..و دى حاجة كويسة..

جايدا العزيزي يقول...

الله ياقلبى ايه الجمال ده

انتى عارفه انا لما جه مطرب واخد منى اغنيه قررت اهديها ليه بدون مقابل


ورغم انى مش عايزة اعلن عن الخبر الا بعد نزول الشريط بعد العيد


الا اننى اعلنت الخبر لسبب


لقد حاول المطرب ان يرد الهديه


وسالنى هل استطيع ان اقابل نانسى وشذى وجنات فرفضت لظروفى


فسالنى هل استطيع كتابه سيناريو لقصه


فقلت الحق لا


فسالنى هل تريدى نشر قصائدك فى كتاب


فاجبت بسرعه نعم


لماذا حكيت لك ذلك


كاتب القصه والسيناريو معجزة


لا يقل اهميه عن كاتب الشعر


اعتقد انك موهوبه جدا ولديك خبرة


لا باس بها


واعزرينى لاننى لا استطيع نشر قصائدى


التى اتمنى ان تقراوها لنى اثق انها ستروق لكم


ولكن تلك هى رغبه المطرب ودار النشر


فانتظروا معى ظهور الشريط


وادعوا لى بالتوفيق


تحياتى


ايها الكاتبه البارعه

Noha Saleh يقول...

ياسر ده باين عليه رخم اوى
بس بجد القصة حلوة انا قريت الحلقتين ورا بعض ومستنية التكملة بس ماتتأخريش

Lady E يقول...

جميلة كالعادة يا قمرايا

تاني حلقة قوية زي أول حلقة بس برضه فلتت بعض الحاجات زي مثلا ان فجأه صاحبة سلمى مشيت وانتي مقولتيش ايه اللي حصل وسلمى كلمت مامتها
وبرضه خدي بالك من الاخطاء اللغوية

عجبني جدا وصفك للأبطال واحساسهم واماكنهم

دمتي بخير

أحمد الصعيدي يقول...

علي الرغم من أني أمل قراءة القصص ومتابعة المسلسلات لكن حبك القصة ببساطة أعجبني كثيرا



استمري في كتابات ولكن اسقي ابداعك من أدب يحيي حقي ستنتقلي لمرحلة أكبر


اسعدك الله

Story pain يقول...

من زمااان ما تابعتش مسلسلات

خلتيني ارجع تاني اتابع مسلسلات

تسلم ايدك الاحداث مثيرة جدا
والغموض اللي في المسلسل مع سردك الممتع مخليني عايزة اقرا الحلقات كلها في بوست واحد

~ISLAM~ يقول...

طب ماشى
اقعدى كده نقطينا
عموما انا بجد بحييكى
الحكايه شكلها جميل
وانا مستنى الحلقه الجايه

خواطر شابة يقول...

عزيزتي القصة بالممجمل جميلة وهناك تطوير في الاحداث لكن هناك ملاحظة يجب الانتباه الى بعض الاخطاء الاملائية قبل النشر
تعرفي انا اكثر تشوقا لمعرفة الجزء الخاص بياسر ومنة مستغربة طريقة تعامله معها ومستغربة ايضا سلبيتها وكأنه ماسك عليها ذلة
بانتظار الحلقة الثالثة ان شاء الله
تمنياتي بالتوفيق ان شاء الله

R-H-S يقول...

حلقه خفيفه الصراحه
حلوه مسأله التشويق دي برافو

كنت وانا بقرا اضحك وبعدين تقومي قلبا الموقف علي طول

كل سنه وانتى طيبه

علاء المصرى يقول...

أسجل مرورى كل عام وأنتم بخير

حياة يقول...

القصة حلوة جدا
بس يا ريت تنزلي واحدة كل يومين تلاتة
اصل الاسبوع كتير اوي
و بالتوفيق :)

ميلودى سبورت يقول...

اول مره بس مدونه زى العسل

Sahar Elgafary يقول...

بسم الله والصلاة علي رسول الله
صباح الخير ياكمنجه..
أنا عزماكي علي حب الرمان
تعالي خديلك طبق وبعد الفطار علقي..

Sahar Elgafary يقول...

آه نسيت أقولك ليه مش بتدخلي علي القصه الرائعه من روائع بنت الحرير دى
(شيطان يرقص في بيتي) ده جزء كامل بس لا نخاف ولا نتأثر...أقولك أنا ها ستلف منك الدعوه وأدعوا بها لعل الناس تزورني في أول مدونه كتبتها ...ماشي
لو روابطها بقه مانفكتش معاكي قوليلي عشان أفكها بالسكينه وأخلص..
سلام

ساسو يقول...

لا انا تملي هاجي متأخره
مش كده احسن
بدال ما اتنقط
وملقاش سباك يداويني هههههه

جميله اوي يا عسوله
افكارك لذيذه يا دموعي
تسلم ايدك

إيمان هلال يقول...

ياسر دا لازج انا لو شفته هديله قلمين على وشه

محمود نشأت يقول...

الحلقة دى حلو فعلا
و الاسلوب مريح كده
جميلة بجد
فى أنتظار الحلقه التالته