الأحد، 7 نوفمبر 2010

لعنــة الــحــب (ح11)


عرفنا الحلقه اللى فاتت ان فيروز خرجت مع سراج وحكتله قصه حياتها وانها ازاى عمرها ماهتكون سلعه فى ايد ابوها ولاهتتجوز بالطريقه دى .......حكينا على ان ازاى ممكن جبروت اب يدمر قلب حب .......
سلمى قاعده جنب مامتها وبتصلى وتدعى ان ربنا يقومها بالسلامة
ان كريم استنى يارا قدام المدرسه ولما ماجتش اتصل يطمن عليها
وعرفنا ان فيروز راحت الجوازات عشان تعمل باسبور وشافت حد فكرها بعمرو حبيبها من ايام الجامعه وان هى زعلت قد ايه عشان مفتكررهاش ومشيت .....وعرفنا انه رجع يدور عليها ياترى ليييه !!

تعالو نكمل بس الاول ملحوظة صغنونة يمكن الحلقه تكون طويله شويتين بس هتلاقى جواها جواب للاسئله اللى سألتوهالى عن ياسر فاكرين
كنتوا بتقولوا هو حماااار ومعقد نفسيا هتعروفا بقى ليه .......
اتمنى لكم قراءه ممتعه

************************************************
فيروز تطلع من الجوازات وتاخد عربيتها وتوصل قدام باب العمارة تحس بزهق فتشغل عربيتها وترجع تانى على الشغل لانها عارفه لو طلعت مش هتكمل شغلها وهتفطل سرحانه وبتفكر ........توصل فيروز الشركه تدخل المكتب وتحاول تتصنع الابتسامه : ها ايه الاخبار رجعت تانى عشان خاطركم اهو وتقعد على كرسيها ......سراج عمال يبصلها وحاسس ان فيه حاجة لكن ميتكلمش .....فيروز قاعده حاطة وشها فى الورق وتخلص بدون ماتنطق اى كلمة على غير العاده ....وقتها يبصلها سراج ويسألها ايه السبب ؟؟؟ فيروز سرحانه ولا هى هنا وعماله تفكر فى عمرو وتفكر ان ازاى مفتكرهاش بعد حب 4 سنين ....وينادى عليها تانى ساعتها تنتبه وتبصله ......ويسألها تانى عن سبب سكوتها وهل فيه حاجة مضايقاها وهى تبص لسراج بعيون حزينه ترد بالنفى وان مفيش حاجة وتتنهد واول ماعنيها تيجى فى عين سراج تبص فى ورقها وتكمل شغلها خافت عيونها تفضحها سراج يهز راسه ويسكت
بدأت فيروز تخلص شغلها ورقه ورا ورقه وفجأااااه تلاقى ظرف غريب وسط الورق تمسكه بإستغراب وتقلبه بين اديها مكتوب على ظهره خاص بجريده الوطن ......تسأل سراج يقولها لا تستغرب اكتر وياخدها الفضول وتفتحه تلاقى جواه ورق مهم ومستندات تكلم نفسيها
فيروز : يكون تبع مين ويضرب فى دماغها على طول لما خبطت فى عمرو والورق وقع وهو لمهولها ......معقول يكون تبعك ....والله وبقيت صحفى قد الدنيا ....بس ازاى جه معايا .يكون قاصد يحطه مع الورق بس ليه ؟؟ وهيستفاد ايه ...ولا تكون صدفه علشان اشوفوا تانى يااااااه فعلا رب صدفه خير من الف ميعاد ...طب هعمل ايه ؟؟؟
وفضلت تفكر وبرضو سراج مراقبها ومراقب ملامحها حبه تبتسم وحبه تكشر وحبه تستغرب وبرضو مش فاهم حاجة لكن هى اخدت القرار انها تروح للجريده وتسأل عليه .......بدأت تخلص شغلها فى نشاط وتضحك زى الاول وقلبها هيطير من الفرح والامل رجعلوا تانى وبعد فترة طوييله ومجهود خلصوا الشغل ويبدأوا يقفلوا الملفات علشان يمشوا فيروز تحييهم على الانجاز ويروح الجميع
فيروز تاخد بعضها وتروح تطمن على سلمى ....
*****************************************************
سراج يروح البيت مرهق وتعبان جدا اول مايدخل يحس ان الدنيا بتلف بيه ويحاول يتسند لغايه مايرمى نفسه على الكرسى حاسس انه مخنوق ......مراد يحس بيه يقوم يشوفه يجرى عليه بلهفه وعايز يجيب دكتور لكن سراج ميرضاش ويخلى مراد يعملوا لمون يسأل على كريم وعادل مراد يقولوا انهم بيذاكروا مع واحد صحابهم لكن سراج مش عاجبوا حالهم ولا طريقتهم لكن يهز راسه ويروح ينام
****************************************************
كريم وعادل وكمان اتنين من اصحابهم قاعدين فى العربيه ومهيسين على الاخر ضحك وشرب وكريم سايق العربيه على اقصى سرعه ((هى دى المذاكره ولا بلاش !!))

*********************************************************

فى الوقت دا ياسر قاعد على مكتبه فاتح اللاب بتاعه ومندمج اوى وعمال يقلب فى الصفحات على النت ومن ضمن الصفحات كانت صفحة الحوادث فى جريده اليوم لفت انتباهه كام خبر واول ماعينه تقع على خبر <<مقتل الراقصه ديدى مع عشيقها فى ظروف غامضه >> ياخد نفس كبير ويبرق وبتوتر يدوس على الخبر ويقراه (( وردت انباء الى مباحث امن الجيزة من مصدر مجهول عن وجود جريمة قتل بشارع 21 بفيصل وعند التوجه الى مكان الحادث وجدوا ان المجنى عليها هى الراقصه ديدى صاحبه كازينو ليلتى مع عشيقها يسرى ممدوح نجم والى الان لم نعلم من هو الجانى وماازالت التحريات مستمرة )) ....((فاكرين يسرى دا ابو سلمى )).....ياسر عمال بيقرأ ومش مصدق يفك الكرافت ويفتح اول زرارين من القميص وضربات قلبه بتزيد ويحس ان نفسه بيضيق ويدخل على جوجل ويكتب مصرع الراقصه ديدى ويفضل يقرأ ويقرأ ويسند على المكتب ويغمض عينه وتنزل دموعه ويرن الجرس للسكرتيره ويبلغها انها تلغى كل المواعيد النهارده لانه مرهق جدا .........يمسك موبايله بلهفه ويتصل على منصور صحبه فى القاهرة ويسأله وفعلا يأكد له الخبر .....ويقفل معاه ويرمى نفسه على الكرسى ويرجع بظهره لورا ويغمض عينه ويدور ذكرياته معاها .......ويفتكر اول يوم شافها واتعرف عليها
**********************************************************
كان قاعد هو ومنصور فى الكفاتيريا وعدت من جنبه ديدى لفت انتباهه ضحكتها بص وراها مقدرش يمسك نفسه من جمالها
ياسر يخبط على راسه : يابووووووى ايه دا يلا هو فيه كدا
منصور : ايه ياكوتش امسك نفسك
ياسر : مين دى
منصور : دى برنسيس الجامعه كلها
ويفضل باصص لها ومش قادر يشيل عينه من عليها تبصله وهى عماله تلعب فى شعرها وتضحكله وتبص لضحبتها ويتكلموا
ياسر يقعد على الكرسى : يالاهوى ويغمض عينه
منصور يقوم ويهوى عليه : فوق يابنى يخرب بيت عقلك الحقونا ياناس الواد راح فى شربه مية
******************************************************
ويفتكر يوم مااتعرف عليها فى الرحله اللى كانت عملاها الجامعه لALEX قضوا يوم من احلى الايام عمره مانسى اليوم دا
افتكر يوم الفلانتين يوم ماصرح لها بحبه وهى كمان عبرت عن اعجابها بيه


افتكر يوم مااخدها وقال انه محضرلها مفاجأه وكانت انه هيعرفها على ممدوح المنتج لان صوتها حلو اوى وقتها طبعت على خده بوسه عمره مانسى احساسه بيها .....فضل يفتكر ويفتكر قد ايه كان مبسوط بنجاحها بعد اول اغنية حس ان الدنيا مش سايعاه افتكر يوم مااحتفل معاها باليوم دا
لكن كان اليوم دا من اسوأ الايام فى حياته ........يوم ماعرض عليها الجواز وقتها ارتبكت وبصتله ورمتله اكبر خنجر فى قلبه
ديدى :ياسر مش عارفه اقولك ايه احنا نحب بعض اه لكن نتجوز لااا كل واحد منا عنده احلام وطموحات عمرنا ماهنوصلها لو ارتبطنا ببعض
ياسر يمسك اديها : ليه بتقولى كدا ماانت وصلتى وانا معاكى يعنى اديا على ايدك هنوصل لكل اللى بنتمناه انا عمرى مااتصوررت حياتى من غيرك ....ومعنى كلامك دا اننا هنبعد عن بعض
ديدى : ونبعد ليه
ويفضل يدور بينهم حوار طويل بس يظهر ان ديدى كانت واخده انها لازم تتجوز ممدوح المنتج لانه الوحيد اللى هيوصلها للشهرة لكن ياسر كان مجرد حلقه وصل ......كارت بيتفتح بيه باب
سابت ديدى ياسرواتجوزت ممدوح ....فى اليوم دا انهااااار فيه ولولا وجود منصور جنبه كان راح وقتها قتلها وقتله فضل يصرخ ويبكى بحرقه ومنصور بيهدى فيه ومن يومها وهو كره الحب قرر انه لازم ينتقم !!!!!!!!!!!
وفضل شريط ذكرياته مع كل البنات اللى خلاهم يقعوا فى حبه وفى الاخر يدوس على قلوبهم ويسيبهم زى ماديدى سابته كان بيتلذذ بدموعهم عليه !!!!!!!
الا منه الوحيدة اللى اتجوزها بس ياترى ليه .!!!!!!!! للاسف لانها كانت شبه ديدى عشان كدا اتجوزها نفسه المريضه سولت ليه وافتكرت انه كل مايهينها ويذلها ويضربها هيشفى غليله ويخفف عذابه طول السنين!!!!!
***************************************************


وبعد ما ممدوح وصلها للمجد وبقت مشهورة جدا وزادت علاقاتها سابته واتجوزت خالد شكرى ودا صاحب كازينو ليلتى واللى طول عمرها بتحلم انه يكون من بتاعها وبالفعل كتبهلها خالد الكازينو بإسمها قبل ماتتجوزا وكدا تكون وصلت لكل اللى بتتمناه مال وشهرة وكازينو
افتكر اخر يوم راحلها الكازينو بعد ماعرف انها اتجوزت خالد قضى اليوم هناك شرب ومش قادر يمسك نفسه وهو شايفها عماله ترقص وتغنى وبعد ماخلصت قام فجأة وراح لاوضتها ودخل بالعافيه
اتفاجئت ديدى بوجوده وبكل كبرياء
ديدى : ايه اللى جابك ياياسر
ياسر : جاى اشوف الفنانة العظيمة اللى داست على قلبى عشان توصل للمجد ...بس لو فكرت للحظة هتلاقى انى انا السبب فى كل اللى هى فيه
ديدى تتمشى شوية : تؤتؤتؤ ...مضربتكش على ايدك عشان تحبنى .وتموت نفسك بعدى ......
.انا منكرش دورك معايا ومنكرش انى اعجبت بيك .....اتشدتلك لكن حبيتك لااااااا اكون عبيطة ياابنى الحب فى الزمن دا مايأكلش عيش عايز توصل للمجد دوس على قلبك وطييير .......ممدوح وخالد عاملين زى الباسبور اللى متعرفش تطير من غيرهم .....لكن انت بالنسبالى بطاقه معرفش امشى من غيرها لكن معرفش اطير بيها وبرضو مينفعش اعمل باسبور من غيرها ....انساااااانى بقى وخلينى اعيش وانت كمان عيييش
ياسر خلاص الدموع هتنزل ومش قادر يقرب من ديدى : فكرى تانى انا بجد مش قادر استغنى عنك مش قادر اعيش من غيرك انا هموت حاولت انساكى مقدرتش
ديدى تبصله : انت صعبان عليا ....متتعبش نفسك معايا انا خلاص طرت تفتكر انه ينفع انزل على الارض تانى .....انت كمان دور على باسبور يخليك تطيييير
ساعتها يضربهاياسر بالقلم ويمسكها من شعرها : انت صدقتى نفسك انا اللى عملتك وخليتك نجمه بعد ماكنتى واحدة صايعه دلوقتى بتقولى ماينفعش .....7 سنين ضيعتهم عليكى موهوم بحبك خلاص مينفعش بكرة تندمى هتعرفى انا مين وانت مين انت ولا تسوى لاازم تموووووتى انت لـــــعنه !!!!!!
ديدى تصرخ : انت اتجننت بتضربنى انت نسيت نفسك وتنادى على البودى جارد علشان يطلعوه بره زى الكلب !!!!

ياااااااااااترى ايييييييييه اللى حصل بعد كدا دا اللى هنعرفوا المرة اللى جاااااااااااااايه

هناك 33 تعليقًا:

همسات وبحــ الحياه ــر يقول...

معلش بقى الحلقه طويييييييلة

بس كان لازم احطها

عايزة رايكم بصراحه

اقروا وبطلو كسسسل انا مراقبه الموقف وشايفه مين اللى قرا ومين اللى علق كدا وخلاص
المكاااان كله محاصر

~ISLAM~ يقول...

طيب انا بحجز الاول

~ISLAM~ يقول...

والتانى كمااااااااااااااان
هيييييييييييييييييييييييييييه

~ISLAM~ يقول...

التالت بقى بالمره
هروح اقرا وارجع الحق الرابع

همسات وبحــ الحياه ــر يقول...

منور يااسلام

اقراها وقول رايك بصراحه

~ISLAM~ يقول...

تصدقى الموضوع كده كبر اوى وابتدى يخرج من ايدى
القصه وسعت اوى ودماغى ابتدت تسيح
طيب دلوقتى هيحصل ايه
ومنه ذنبها ايه فى الحوارات دى
والعيال اللى عماله تصيع بالعربيه دول هيروحوا فى داهيه شكلهم كده
وسلمى اخبار امها ايه
مش بقولك الموضوع كبر

لا بس سيبك احساس حلو انى اخد اول اربع تعليقات هههههههههههههههههه

يلا ظبطى ونزلى الحلقه الجايه بسرعه مش لازم تغيبى كتير
تحياتى ليكى

Mona Hekal يقول...

يا بت يا جامدة حلوة محاصرة المكان دي

يا سيتي كنتي خلتينا مع فيروز نشوف هتعمل ايه و هتقابل عمرو ازاي
اما ياسر ده منه لله بعذب واحدة بذنب واحدة تانيه ايه الكلاكيع دي
شوفتي انا شاطرة و قريت حلو ازاي
متتأخريش الله يخليكي
سلام بقه انا هاهرب من الحصار

ترانيم يقول...

ما شاء الله تفوقتى على نفسك فى الحلقة دى وبجد لما خلصت قراءة محستش بالقوت لان كنت مندمجة فيها جدا وفيها تشويق يا رب من نجاح لنجاح بس هو بقى حصل ايه:))

mrmr يقول...

مساء الفل يا غاليتى
القصه المره دى حلووه قوى يارب فيروز تقدر تقابل عمرو من تانى

وياسر اخيرا عرفنا سكته وايه اللى عقده من الستات

بس انا صعبانه عليا منه قوى ذنبها ايه انها بتحب ياسر وانها شبه ديدى وبينتقم من كل الستات

القصه ابديت احداثها توسع
وديما بتشوقينا لمعرفه الاحداث بسرعه

ربنا يسعد قلبك يا قمر

محمد التركى يقول...

السلامو عليكم
يابنتى نظرى رااااااااااااااح

ههههههههههههههههههههه
انا عايز اسألك سؤال انتى نستينى
ولا زعلانه منى
بقالك مده مجتيش عندى

يارب تكونى مش زعلانه ويارب لو نستينى تبقى زعلانه احسن عندى من انك تنسينى
ههههههههههه

تحياتى لكاتبه البلوجر العظيمه

محمد التركى

الازهرى يقول...

بصراحة مش عارف
القصة بدأت تاخد أبعاد غريبة على وبصراحة أكتر مش مقنعة

وخاصة العربيات وقلم الخدامين الأخير ده
من الآخر بدأت تقلب فيلم عربى بداية من الحلقة دى

طبعا اتفقنا على الصراحة وخاصة بعقة القراية دى أشوف فيكى يوم


تحياتى دوما

ツSmiLeY AnGeLツ يقول...

السلام عليكم
بجد روعة انتي ماطولتي علينا
انتي قصريتها علينا بالتشويق كنتي قلتي لنا فيروز علمت ايه
يلا المرة الجاية
بجد تحفة
تقبلي مروري
سلامي ليكي ياحلى بنوتة.

غير معرف يقول...

يعنى البنت عماله تتعذب من اللى اسمه ياسر دا عشان واحدة تانيه متسواش
والله حرام
بس تستاهل القلم دا
وهو كمان يستاهل اللى البودى جارد هيعملوة فيه الحلقه الجايه
اسلوبك رائع
والحلقات بتزيد جمال وتشويق
برافو عليكى يا توتى
والله شاطورة
فنانه يا حبيبتى
وحشااانى كتير

سندباد يقول...

امممممممممممممممم
الوضع بقي في منتهي الصعوبة علي الكل وكل شخصية بقت ليها اسرارها ومفجائتها
حب وفراق وقتل وخيانة وعقد نفسية في حلقة واحدة
تحياتي لبنات افكارك

غير معرف يقول...

حبيبة قلبي تغريد الحلقة عجبتني جداااااااااااا

ربنا معاك ياقمر انتِ فعلا موهوبة

ماتنسيش تزوري روايتي الجديدة واتمنى تعجبك

http://inmyharte.blogspot.com/

غير معرف يقول...

انا اسماء عبدالعزيز يسكر ماتنسيش هستنى رايك فيها

اسمها امنحيني عذرا وسيبت ليكي اللينك في التعليق السابق

خدي بالك من نفسك ياقمر ودوما الابداع

فراشة يقول...

انا جييييييت

اولا فرحانه بالجزء دا جدا عشان كذا حاجه حسيتها وطلع احساسي صح :)
كنت حاسه فيه سبب بيخلي ياسر يعمل كدا وكنت حاسه ان فيروز ممكن تشوف عمرو تاني ... بس حاسه انهم مش هيرجعوا لبعض :)

جميل الجزء دا ومش طويل خالص انا عايزه اطول من كدا

شوية قهوة يقول...

فعلا الحلقة كان لازم تكون كدة عشان توضح الغوامض الفيها
تيلم ايدك يا قمر
واستمري

جايدا العزيزي يقول...

انت تجعلينى اعيش داخل القصه

كانها واقعيه

منتظره اشوف ايه النهايه

واخر حكايه فيروز

ابدعتى

تحياتى

Carmen يقول...

جمييييييلة جدا بجد تسلم ايدك
حلقة مشوقة مستنية القادم باذن الله0

Noha Saleh يقول...

دى حلقة طويلة؟
هى جميلة بس قصيرة انا عاوزة حلقة تكون زى الفيلم الهندى كده افضل اقراها طول اليوم
ماتتأخريش بقى:)

Dr/ walaa salah يقول...

هي فين الطويله دي

حرام عليكي ليه قطعتي الاحداث كده


بس بجد ياسر ده مريض ومنه ضحيته للاسف

وبعدين الاخت فيروز ايه اللي فكرها بالحب القديم

ماهو في حب جديد اهو ولا هى مش شايفه سراج واهتمامه بيها

غريبه

حبيبتي الحلقه الجديده لازم تكون طويله مش كده

محمود نشأت يقول...

جميل جدا البوست ده
و متابع ان شاء الله

الــحــــنـــــــــــــــــــين يقول...

لازم تكون طويله لانها جواه كذا فكره وموضوع جوه موضوع انتى قصتك ممتعه جدا تقدرى تقولى مش هتقدر تبربش عنيك

miroooo يقول...

السلام عليكم
انتى قلتى ان الحلقه طويله والله ما حسيت بيها خالص شيقه فعلا ومثيرة
مستنيه الحلقه الجايه بس ابقى تعالى قوليلى زى المرة دى
انتى مبدعه بجد والله
تحياتى

ساسو يقول...

مع لغه الحب مش هتقدر تغمض عنيك
ولا تغير المحطه

ايوه كده يا قمري متعينا كمان وكمان
تسلم ايديكي يا جميله

باحث عن حب يقول...

جميله جدا
يا
همسات
والله
يارب
يبارك
فيكى
مستنين
الباقى
يا دموع

Ramy يقول...

دا الدنيا داخله فى بعض

و الناس كلها مع بعض

و لكن ياسر لازال فى نظرى مُعقد نفسياً

و زاد عليه أنه ظالم

):

غير معرف يقول...

جميله اووووووووووووووي اووووووووووووووووووي
روعه بجد didi

شمس النهار يقول...

فيييييييييين التعليق بتاعي
انا جيت هناوعلقت

رااح فين

:)))

انا كمان استغربت انك بتقولي لي ان القصه نزلت
وجيت ولاقيت نفس الحلقه

نعيد التعليق تاني مادام بلوجر حاططني في دماغه
:)))))

مفاجأة جااااامده

بجد ابدعتي فيها

:))

لــــ زهــــــراء ــــولا يقول...

" افتكر يوم مااخدها وقال انه محضرلها مفاجأه وكانت انه هيعرفها على ممدوح المنتج لان صوتها حلو اوى وقتها طبعت على خده بوسه عمره مانسى احساسه بيها "
تعرفليشي علي ممدوح ساكن فين؟؟؟ هههههههههه

انا اتفاجأت مفجأة جامدة جداً ل
أ اتنين لما فيروز لاقت الظرف معاها الخاص بحبيبها ثانياً باهانة ياسر لمنه اللي مصدرها مرضه النفسي اللي بيطلعه عليها ربنا يشفيه ويسامحه..معرفش صعب عليا ولا كرهته اكتر ... صعب احدد اذا كان جاني ولا مجني عليه..بجد وربنا انتي مؤلفة ممتازة جداً فوق الوصف واسلوبك سلس وسهل ويدخل القلب

لـــولا

غير معرف يقول...

رهييييييييييبة بجد

انا اتفاجئت ايه يابنتى دا
والله ياتوتا انت فنااااانة بجد
بحبكككككك جدا وبحب اقرأ اشعارك وقصصك
ياترى عارفانى ولا اييييييييه
مش هقولك وهسيبك تفكرى

جايدا العزيزي يقول...

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى