السبت، 11 سبتمبر، 2010

انانية وحب امتلاك (ح4


الحلقه الرابعه

عرفنا الحلقه اللى فاتت حصل شد بين منه وياسر
ومنه كلمت اخوها لكن غيرت كلامها خالص ياترى ليه
ونرجس كلمت سراج عشان تتطمن عليه

ودخل عادل وكريم على سراج ومراد وهو سايح فى دمه تعالوا نشوووووووف اللى حصل

حضر مراد الاكل ولسه هياكلوا الباب يتفتح ويدخل كريم وعادل
يشهق سراج ومراد بلهفه كرييييييييم ويقوموا جرى يلاقوا قميصه كله دم يشلوه بسرعه ويقعدوه على الكرسى ويسأل سراج بلهفه (( ايه اللى حصل ))
عادل : مفيش حاجة
مراد : مفيش حاجة ازاى يعنى اتخانقتوا صح ماترد ياكريم
وكريم عمال بيتوجع
عادل (( مش وقته خليه يدخل يستريح ))
سراج : ياجماع شكله تعبان مانطلبله دكتور
عادل : لا مفيش داعى احنا عدينا على المستشفى وعملوا اللازم
ويدخل كريم يغير ولسه هينام يدخل عادل ويقفل الباب وراه مراد يحس ان فيه حاجه ويرح وراه ويفضل واقفل على الباب يسمع
عادل : ممكن تقولى هتفضل كدا لحد امتى
كريم : كدا ازاى
عادل : طريقتك ديا شوفت اخرتها كنت هتموت ومن مين من حته عيل لا راح ولا جه
كريم : اهو انت قولت عيل .......انا بقى هربيه عشان يعرف قيمته كويس
عادل : هتستفيد ايه هتفش غليلك وبعدين ........كريم انا خايف عليك سيبك منه ومنها ولسه هيكمل كلامه
كريم : اسيبنى منه اه بس بعد اما اربيه لكن اسيبنى منها فلا .انا اخدتها تحدى ولازم اكسب
عادل : هو ماطش كورة يابنى فوق بقى هى لابتفكر فيك ولا فيه ولاهتفكر فى كدا
كريم : مش مع كريم ياعادل وانت عارفنى
عادل : يعنى ايه
كريم : انا وراها والزمن طويل ادام هى دخلت دماغى يبقى لازم تقع على مناخيرها اللى رافعاها
عادل : انت اصلا الكلام معاك ممنوش فايده براحتك نام
ويفتح الباب يلاقى مراد فى وشه يبصله ويهز راسه وانت كمان بتعمل ايه
مراد : تعالى فهمنى ايه اللى حصل ..........

**********************************************
فى الوقت دا منه واقفه بتحضر الاكل وياسر
بيشرب شيشه و فاتح التليفزيون على قناه اغانى وبيغنى معاها

***********************************************
عرفنا ان فيروز راحت لسلمى عشان تشوف مالها بعد مانزلت من عندها ركبت عربيتها وفضلت تفكر فى كلامها قد ايه محدش مرتاح ولا حد عاجبه حاله وعلى رغم ان مامتها وباباها معاها وحاسه بغربه وضيق امال هى تعمل ايه اللى مامتها وباباها بره بقالهم 3سنين ومش بيفتكروها غير عشان الحواله حاولت تغير مودها فتحت علبه الشرائط وطلعت شريطها المفضل شغلته وفضلت تغنى معاه

***********************************************
منه بتكلم نفسيها يارب انا عملت ايه .....حساك بتعاقبنى بس مش عارفه ليه .......هو انا استاهل دا كله
من يوم ما جيت هنا ماشوفتش يوم عدل شرب واهانه وقرف
وينادى عليها ياسر : ايه دا كله بتعملى غذا ......بقولك ايه ماتجيلى تقعدى جمبى شويه
متردش عليه وبحرقه : ربنا ياخدك حسبى الله ونعم الوكيل

**********************************************
الحته زحمه وتقف فيروز فى الوقت دا تيجى اغنيه تسأل عليا كتير (وتغنى معاها ((تسأل عليا كتير بتحبنى بعرف ها الحكى حافظه ها الحكى كل الحكى حلو .......وتشرد بذهنها وترجع لايام الجامعه ))
وتفتكر زميلها عمرو هو مكنش زميلها بس كان كمان حبيبها هى مصرحتش بدا لحد لانها عارفه انه على علاقه مع نهى بنت خالتو وفى نفس الوقت نهى دى صحبتها كتمت جواها الحب 4 سنين يشاء القدر انهم فى السنه الاخيره يشتركوا سوا فى مشروع التخرج ساعتها قربوا من بعض قوى وخلصوا المشروع وسلموه وجابوا فيه تقدير ...........
سرحت فيه وفى الاوقات اللى قضوها سوا لما يقعدوا مع الشله ويغنوا حاجة غريبه وانا لحبيبى وانا وشادى بأمر الحب
سرحت لما طلعوا رحله سوا وتاهوا
سرحت لما جم متأخرين فى مرة والدكتور طردهم
وسرحت فى اخر يوم ليهم فى الجامعه لما اجتمعوا عشان يودعوا بعض قبل مايمشوا
وافتكرت قد ايه كانوا زعلانين انهم هيفترقوا
وسرحت فى اخر حوار كان بينها بين عمرو لما سألت عليه ولقته مع نهى مشيت ولقته بينادى عليها
عمرو : يعنى مشيتى من غير ماتسلمى
فيروز : انا سألت عليك ملقتكش وسبت سلامى مع سلمى شكله موصلش
عمرو : لا وصل بس كنت حابب اسلم عليكى بنفسى
مد ايده عشان يسلم عليها هى اترددت فى الاول ومدت اديها ببطىء واول مالمست اديها ايده زادت ضربات قلبها وانقلب كيانها اول مرة تسلم على حد وكمان دا حبيبها سحبت اديها بسرحه وابتسمت
فيروز : اشوف وشك بخير
عمرو : هتمشى بسرعه كدا ماتخليكى
فيروز : نفسى بس هكلم ماما وبابا النهاردة على النت
عمرو : ربنا يرجعهم بالسلامه طيب اشوف وشك بخير ......ويسكت شويه ويبص لفيروز ولسه هيتكلم يرن موبايله وتكون هى بتستعلجه عشان يخرجوا تضايق فيروز وبلهجه غريبه : اسيبك بقى عشان تلحق نهى اديته ظهرها ودمعت ولسه هتمشى ينادى عليها بصوت حنون ((مالك )
فيروز :مفيش بس زعلانه عشان دا اخر يوم وياعالم هنشوف بعض ولا لا
عمرو فاهم هى زعلانه ليه لكن ماباليد حيله هو كمان كان بيحبها لكن محبش يعلقها بيه عشان هو عارف ظروفه كويس وعارف ان مهما حصل عمر اهلها ماهيوافقوا عليه
وبتردد : فيروز عايز اقولك على حاجة قبل ماتمشى
فيروز تبصله وحاسه انه هيقولها على اللى جواه
عمرو : انا بجد ........ ويسكت ........انا معجب بيكى وملحقش كمل كلامه وجت نهى (هى كانت مجرد بنت خالتو وبس )
فيروز قلبها يدق ومصدقتش ودانها حست ان هيغمى عليها بس فى نفس الوقت قالت ( ازاى طب ونهى )
نهى : الناس اللى عايزة تمشى ومتخرجش معانا دى شكلها زهقت مننا
فيروز لا والله بس ماما وبابا مستنيينى عشان اكلمهم معلش اكيد تتعوض واكيد هشوفوا تانى
نهى : ان كان عليا مش هقدر انزل من اسكندريه تانى لكن ان كان على ناس تانية تنزل وبجد هتوحشينا اوى وتبص لعمرو بخبث ولا ايه ياعمرو
عمرو يتقلب كيانه وميعرفش ينطق ويبتسم
فيروز : مفهمتش قصدها لكن احساسها بيقول انها بتلمح انه بيحبها
وتودعهم وعيونها كلها دموع
وتمشى افتكرت كل دا وعيونها دمعت وقطع شرودها دق على زجاج شباك العربيه وتبص فيروز تلااااقى شرطى المرور
الشرطى : هتفضلى كدا واقفه كتير ياانسه
فيروز : اسفه الحته كانت زحمه وسرحت شويه مأخدتش بالى
الشرطى : اه مأخدتيش بالك طيب وادى مخالفه عشان المرة اللى جايه تاخدى بالك
تضحك فيروز على اللى حصل لان دى مش اول مرة تسرح ولا دى اوى مرة تاخد مخالفه

************************************************************

وتخلص منه الاكل وتروح تحط علشان زوجها المصون ياكل ولسه هتاكل بيصلها : اطمنتى على اخوكى
منه بقرف : بشكرك لكرم اخلاقك
يسكت شويه ويهرش فى راسه : هو انت ناويه تنزلى مصر
منه تتخض من السؤال وحست ان الدنيا هتتقفل فى وشها وتحاول تكلمه بسياسه وترد بتردد : اللى تشوفوا ياحبيبى
ياسر : لا اصلى سمعتك وانت بتقولى هنزل مصر عشان الامتحانات فإفتكرتك اخدتى القرار
منه تبصله وتحاول تتصنع الابتسامه : هو انا اقدر اخد قرار من غيرك القرار الاول والاخير ليك بعدين دول يادوب اسبوعين
ياسر : ومين قالك انك هتنزلى اصلا ......بصى انا مش محتاج للشهادة وهو انت ناويه تشتغلى بيها ولسه .......طبعا لا وبعدين يهون عليكى تبعدى عنى اسبوعين دا هيعدوا عليا سنة
منه جواها نار مش عارفه تعمل ايه مبقتش مستحمله ولا بقت طايقاه ولا قادرة تكمل فى التمسيليه دى بتكلمه بحب وتدادى فيه عشان خاطر يوافق على نزولها وفى الاخر يقول لا قلبها يصرخ ربنا يخلصنى منه

ياسر : سرحتى فى ايه
منه بصوت حنون وعيون مدمعه : طيب انت يهون عليك انى اضيع 3 سنين ونص من عمرى هدر عشان خاطر اسبوعين
خلاص انا مش عايزة اشتغل ولا هفكر فى كدا بس يبقى معايا شهادة هنزل امتحن وارجع تانى اخر يوم فى الامتحان
ياسر يتعصب : انت بتضحكى على مين ال ترجعى اخر يوم ......مش هتنزلى يامنه فاهمه مش هتنزلى . واخبطى دماغك فى الحيطه وكلامى هو اللى هيمشى مش عارف شهادة ايه ونيله ايه هما ياخدوا شهادات عشان يتجوزا وانت اتجوزتى ناقصك ايه هااااا
منه : بس دا مكنش كلامك قبل كدا انت وعدتنى انى هكمل تعليمى
ياسر : بليه واشربى ميته
منه : حراااااااااااام عليك ......حراااااااام عليك حسب الله ونعم الوكيل
يشدها من شعرها : انت طولتى لسانك النهاردة كتير اوى وانا ساكتلك انت هتاخدى على كدا يابت ولا ايه
ماتتلمى بقى
منه تبصله ودموعها تنزل ومتقدرش تنطق عشان عارفه لو نطقت هيضربها زى كل مرة !!!!!!!!!!!!
تجرى منه على الحمام وتفتح الميه وتحط راسها تحتيها وتفضل تعيط
وبعد فتره يدخل ياسريلاقيها نايمه بتبقى شبه الملايكه وهى ناميه
يقعد جنبيها ويفضل يبصلها ويأنب نفسه على المعامله اللى بيعاملها بيها بس هو شايف انه مغلطش وحتى لو غلط مش هيعتذر (اصله فاهم معنى الرجوله غلط )
ويحط راسه على المخده وينام

**********************************************
فى الوقت دا توصل فيروز البيت وتغير هدومها وتتغدى وتقعد شويه على اللاب توب ويغل عليها النوم
************************

والساعه 3 صباحا تحصل مصيبه فى بيت سلمى يااااترى ايه هى

دا اللى هنعرفه المرة اللى جايه



هناك 44 تعليقًا:

عاشقه وبدوب ف حبيبي يقول...

هاااااااااااه نزلت الحلقه جديده احجز اول تعليق وبعدين اقرأ وجيلك يا جميل

همسات وبحــ الحياه ــر يقول...

لالالالا
دا انا قولت انى اول تعليق ههههه

يلا مبروك عليكى

انت قاعده على الباب ولا ايه

همسات وبحــ الحياه ــر يقول...

كل سنة وانتم طيبييييييييييييين

ويااااااارب كدا ايامكم كلها سعاده وهنا

ويارب كل حلقه تكون احلى من اللى قبلها

بجد انا لما بقرأ تعليقاتكم دا بيذود عندى الثقه انى بعرف اكتب

همسات وبحــ الحياه ــر يقول...

ايه رايكم فى النيو لوك دا

العيد فرحه والحياه بقى لونها بمبى

دموع القمر بقت لونها بمبى مش اسود ههههههههههه

دعواتكم بس

Ramy يقول...

فاهم الرجولة غلط

دة مش راجل اساسا

دة معقد

انتى لازم تموتى مينفعش يكمل معانا دة

جميلة القصة ونحن فى انتظار المصيبة (:


دمتى متألقه (:

همسات وبحــ الحياه ــر يقول...

رامى منورنا والله

قول يارب يمكن نموته قريب اصلى انا كمان زهقت منه هههههههه

دمت بكل خير

عاشقه وبدوب ف حبيبي يقول...

بجد بقى كده حراااااااااااام كل مرة تعملى فيه كده وتسبينى على نار عاوزة اعرف ايه اللى حصل عند سلمى مليش دعوه وبعدين ياسر ده واطى اوى وكمان منه صعبانه عليه اوى يالا منه لله .البوست المرادى يجنن وده مش جديد عليك متعودين منك على كده بالتوفيق ديما يا قمر وكل سنة وانتى طيبه تقبلى مرورى.منه

مجرد فتاة يقول...

حلقق حلوة أوي ..
وعجبتني حكاية فيروز أوي ..
بس شكل كريم دة عندي وهيتعبنا معاه ..
مستنيين المصيبة بقى ..

كيــــــــــــارا يقول...

ليه العنف دا

منتظرة الجزء الجاي منة صعبانه عليا اوي

موجة يقول...

اسر ده بنى ادم مستفز
احقر حاجة ان الواحد يكون عايش غصب عنه
عايش فى مسلسل
تمثيليه سخيفة بيمثل فيها عشان يوصل لهدف معين
ما بيكونش عايش على طبيعته
بجد منى دى ماثرة عليا اوووى
اسلوبك جميل

جنون عـبقري يقول...

أحيانا تأخذنا الحياة لمسارات لم نكن نتوقعها !!!

في انتظار باقي الحلقات .. تحية لك وكل عام وأنت بخير

أم الخــلـود يقول...

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

الحب الجميل يقول...

انا من رأيى تموتيه الحلقه الجايه ولا اللى وراها
وايه يا ستى اسلوب التشويق دااا
يا ترى ايه المصيبه ؟؟؟
ما هو طول ما موجود هتكون المصايب بالهبل
مبروك عليكى البمبى ... اقصد النيولك الجديد
حلوووووو
كل سنة وانتى طيبه يا دموعى
عيد سعيد عليكى وعلى الكل يا قمرى

sendbad يقول...

بجد احسنتي وابدعتي واسلوبك زاد نضج بجد مش بجامل برافو عليكي والله
الموضوع يزداد قوة وترابط وابتدات كل الخيوط تتفهم
برافو برافو عليكي
كل سنة وانتي طيبة

mrmr يقول...

الواد ياسر ده انسان مش طبيعى
ربنا ينتقم منه اشر انتقام
بس اتمنى انه ينزل منه مصر علشان امتحاناتها حرام بجد

وبعدين كل مره تشوقينا كده
يا ترى ايه المصيبه

مبروك النيو بوك ههههههههه

كل سنه وانت طيبه ربنا يديم علينا الاعياد

اعقل مجنونه يقول...

عيد سعيد
لى عوده مرة اخر

7akwena يقول...

منه شكلها متستهلش ده كله
وياسر ده غبى ولا ايه
وكريم ده كمان اغبى
وفيروز دى مقضياها سرحان على طول
طيب يلا بقى حلقه كمان

فراشة يقول...

بسم الله ماشاء الله ايه الجمال دا

اول مرة آجي هنا وقريت ال 4 حلقات ورا بعض ومليش دعوه بقى عايزة كمان حلقة :)

اسلوب جميل قوي وقصه ممتعه وواقعيه جدا

مستنية الباقي بس كل يوم او يومين مش اكتر من كدا لو سمحتي

hasona يقول...

كل عام وأنتم من عواده
وكل سنة وانت بخير
وأسعدكم الله في عيد الفطر

ساسو يقول...

نيولوك رقيق يا اجمل دموع
مبروك عليكي

ياساتر يارب
ياسر دا ايه
ربنا ينتقم منه
بجد دا خنيقه طحن

يالا بقي مستنيه موته بفارغ الصبر
ومتشوقيناش بزياده يا قمرايا


كل سنه وانتي بخير يا حبيبتي
وعيد سعيد

كلام من قلبي يقول...

اسفة على التاخير يا فندم
بس اكيد انتي عرفة انو مش بادي
انا مقدرش ابدا اتاخر عليكي
هما الرجالة عمتا شيفين الرجولة بمعنى غلظ اسالي مجرب
3 في البيت

yasmina يقول...

هاااااااااى توتة ازيك
واحشانى كل سنة وانتى طيبة وعيد سعيد

بجد حلو اوى يا توتة بجد
عارفة انى ساعات مش بكتب تعليق بس البوست اللى بيفوتنى بقراه على طول والله

وبجد حلو اوى
ومنتظرة الحلقة اللى جاية اكييييد على نااااااااار

عمرو يسرى يقول...

جميله جدا الحلقه منتظرين الحلقه القادمه

emymony يقول...

الله عليكى
بجد جميله اوى
انا كانت فاتتنى حلقه بس قريتها
تسلم ايدك
فى انتظار باقى الحلقات
مع خالص حبى وحبى

ساسو يقول...

عيد سعيد عليكي يا قمرايا

أتنين حبيبين يقول...

اول ما رجعت قرئت الحلقتين اللى فاتونى

بجد انتى فنانه ورائعه

تسلم ايديكى

فيها تشويق كبلير
وقلق وحيره وغموض

بالتوفيق

منتظره الباقيه بفارغ الصبر

غير معرف يقول...

حلوة اوي اوي
كمليها يا قمري
ديدي

لـــولا وزهـــراء يقول...

حلوووووووووووووووووووووووووووووووة جدا مبروك القصة التحفة دي ربنا يعزك ويسعدك يارب

ملحوظةانن التمسيليه بالثاء جاية من تمثيل .

في انتظار باقي حكاية فيروز اصلي حكايتها عجبتني جداَ

ملحوظة تانية حلوة جدا التذكير بالاحداث اللي ف الاول
لولا

Dr/ walaa salah يقول...

حلقات جميله اوي انا اول مره ادخل المدونه وقلت اقرأ حلقه حلقه لقيت القصه شدتني وخلصت الحلقات كلها

بس ياسر ده مريض نفسياً الله يكون في عون منه انا لو منها اقتله واقطعه واعمله شاورما


يلا كملي باقي الحلقات بجد طريقتك في كتابة القصه جميله اوي وبتخليني زي ما اكون بتفرج عليها كمسلسل


انا في انتظار الحلقه الجديده

richardCatheart يقول...

جميل اوى استمرى

مستنين

Story pain يقول...

فعلا كل حلقة احلى من اللى قبلها

الحلقة دى أحداثها مثيرة جدا

عجبنى أوى الجزء اللى بتسرح فيه فيروز

هو ياسر هيفضل يأرفنا كده كل حلقة...ماتشوفيله موته بأه ولا أى حاجه تريحنا منه الحلقات اللى جايه ..ولازم يطلق البنية بأه حرام كده

كل سنة وانت طيبة يا قمر

Story pain يقول...
أزال المؤلف هذا التعليق.
Story pain يقول...
أزال المؤلف هذا التعليق.
mrmr يقول...

http://lahazat-mora.blogspot.com/

جايدا العزيزي يقول...

الله ياقلبى


دايما بحب اتابع اجمل مؤلفه


فى الدنيا

ايه الروعه دى

جيت متاخرة وزعلانه


ممكن تصالحينى


اسفه بس سعيدة اوووووووى


بين كلاماتك


اشكرك على اسعادى

تحياتى

Noha Saleh يقول...

اييييييييييييه ده
هو انت قصرتيها كده ليه
لا طوليها شوية ماينفعش كده
بس هى حلوة اوى
وانا متوقعة اللى حصل فى بيت سلمى

sendbad يقول...

فين الجديد

الــحــــنـــــــــــــــــــين يقول...

ايه الجمال ده بس نقولى الله يرحم المجدعه والرجوله وكل سنة وانتى طيبه وسرد جميل ورائع تحياتى ليكى مشكوووووووووووره على اجمل مجهود وارق موضوع

wella يقول...

عارفة احلى حاجة انا عملتها اية
انى قريت التلت حلقات مع بعض
بعدين لسة قارية الحلقة الرابعة دلوقتى

على فكرة حلوين
احلى حاجة انهم خفاف على القلب بجد انا كنت فاكرة انها تقيلة وهتبقى قصة طويلة عريضة

بس بجدج ماشاء الله كتبابها خفيفة وحلوة مش طويلة ولا قصيرة

بلا استمرى استمرى

خيط الحرير يقول...

بسم الله والصلاة علي رسول الله

يانهار أبيض هو أنا رقم 40 اللهم لا حسد يخرب بيت النت اللي أخرني عنك يا كمنجه..
ربنا يكفينا شر المصايب..
أنا خايفه منه تخنقه وتروح فيه في داهيه وهو ما يستاهلش...

بقوللك اللحقي الجزء التاني(شيطان يرقص في بيتي) علقي عليه قبل story ياله أدينا بنلغب أستغمايه..
دعوه خاصه هه.

شمس النهار يقول...

كل سنه وانتي طيبه
انا بقول تكتبي اخر حلقه وبعد كده ترجعي تاني

شوقتينا خالص

تحياتي

مدونه هنا السناهره يقول...

ايه الروعه دي بجد حاجه محترمه

علاء المصرى كل يوم يقول...

السلام عليكم
مشكورا مجهودك

ألا طالعت قصيدة الرد على حرق القرأن

على http://elmsryklyom.blogspot.com/

دعوة للأطلاع

رشا يقول...

السلام عليكم
عارفة ان تعليقي متاخر كتييييييييير
لكن الصراحة القصة جميلة
انا قريتهم الاربع مرة وحده
ربي ياخذ ياسر وميشوفش يوم حلو
المهم اسفة على اني بعلق الان على المدونة
وان شاءالله تقبليني ضيفة دائمة بمدونتك
تصدقي دي تاني قصة اقرائها على النت تكون بروعة دي خلتني متلهفة على الاحداث الجايةعندك قدرة واسلوب انك تجذبي القارئ لقراءة القصة
متتاخريش علينابالحلقة الجاية.