الخميس، 30 سبتمبر، 2010

ملل وقلق وشىء غير متوقع (ح6)


عرفنا الحلقه اللى فاتت ان يسرى بابا سلمى اتقتل مع عشيقته ولكن لسه معرفناش مين القاتل
عرفنا ان منه بتحب ياسر لكن عمايله هى اللى خليتها تكره العيشه معاه وهى عماله تسايس فيه عشان تنزل مصر وتكمل تعليمها
ووقفنا ان فيروز جالها تليفون تعالو نشوف ياترى كان من مين !!!!!!!!!!!

ويرن موبايل فيروز تبص تلاقيها مامتها تعمله صامت وتروح على المكتب وترن تاني وتالت تقوم ترد بزهق لأنها تقريباً عارفه الكلام اللي هيتقال .

فيروز : ألو
منال : روزي حبيبة قلب مامي وحشاني .
فيروز : وأنت كمان أخبارك إيه وأخبار بابا .
منال : مش كويسين من غيرك نفسنا تيجي بقى وتعيشي معانا .
فيروز : أنا لو وحشاكم بجد تعالوا أنتو أنا قلت ألف مرة مش هاعيش معاكم في الغربة ولو هاجي هتكون زيارة وهنزل .
منال : ليه مصره تعيشي عندك .
فيروز : عشان أتربيت هنا اتعودت على هنا بشتغل هنا ومش هسيب هنا ياماما .
منال : مالك ياروزي .
فيروز : مالي ....حضرتك مش عارفه مالي تعبت عايزاكم تحسوا بيا عايشة لوحدي بقالي سنة لا أخ ولا أخت لا أم ولا أب حرام وأنت وبابا كل همكم الفلوس .......الحياه مش فلوس أنا فين من حياتكم فين الحب والأسره والبيت واللمه .
منال : حبيبتي أعمل أيه بابي هو اللي مصمم علي الشغل
.
فيروز : طب تعالي أنت لكن شكل كده عجبتكم العيشة هناك نسيتوا أن ليكوا بنت أصلاً بقالها 3 سنين مشفتكوش
وبقالي سنة لوحدي محدش بيسأل علي من يوم تيتا ماماتت حتى مفكرتوش تنزلوا تاخدوا عزاها شكل مبقاش يفرق معاكم غير الفلوس .
منال تدايق أوي من كلام فيروز وتكلمها بحده : أنت أزاي تتكلمي معايا بالأسلوب ده .
فيروز : أسفه بس بجد بحس أني مش بنتكم أصلاً .
منال : أزاي تقولي كده ربنا يعلم أحنا بنحبك قد أيه ولولا الظروف اللي بنمر بيها كنا نزلنا من زمان على فكرة بابي بسلم عليكي كتبر وحايكلمك لما يرجع من الشغل علشان عايزك في موضوع
فيروز : موضوع أيه
ويفضلوا يتكلموا

*****************************************************

في الوقت ده محمد ( أخو منه ) قاعد في مكتبه وسرحان ومش مركز كل همه أخته وكل شويه بيكلم نفسه ياترى عامله إيه يامنه بقالك كتير مكلمنتيش وسي ياسر كل ما أحاول أكلمه بيتهرب مني بس بجد أنا مش فاهم واللي هايطير برج من عقلي منين هيا اتصلت عليا وبتعيط والحقني ولازم اطلق ومنين لما كلمتها قالت الكلام اللي قالته ( باحبه وماقدرش استغني عنه ) للدرجة دي عامل لها كارت ارهاب ومش عارفه تتكلم معايا بصراحه وفي عز شروده تدخل نانسي ( زميلته في الشغل ) .

نانسي : صباح الخير يابشمهندس
محمد ولا هو هنا وغرقان في بحر منه
نانسي : تقرب منه يابشمندس
محمد ينتبه ليها : ها ويتعدل في قعدته ويبتسم صباح الفل
نانسي : اللي واخد عقلك يتهنا بيه
محمد : يسمع من بقكك ربنا أدعيلي القيها بس
نانسي : هتلاقيها يعنى هتروح فين بس انت دور كويس وبص حواليك ....امال ايه اللي مخليك سرحان قوي كده وواخد عقلك
محمد : مفيش بس شوية مشاكل تخص منه أدعيلي ربنا يحلها من عنده
نانسي : ربنا يريح قليك قول لي عملت أيه في المشروع الأستاذ رجائي زرابينه طالعه وعمال يزعق حاول تخلص شغلك علشان ميدكش كارت انذار واحنا في غنى عن كده
محمد : مش عارف ربنا واعدنا بمدير يقطع الخميرة من البيت
ويضحكوا هما الاثنين وينتبهوا ويخلصوا شغلهم

******************************************************

وتخلص فيروز كلام مامتهاوهي مش طايقة نفسيها وتدخل المكتب وهي عماله تمتم بكلام مش مفهوم وتقفل الموبايل خالص
وترمى الموبايل على المكتب وتقعد بزهق سراج مراقبها وحاسس ان فيه حاجة لكن ميسألهاش
سماح تنادى عليها

سماح : بقولك ايه اجيبلك شاى بحليب
فيروز : لا مليش نفس
تبص لممدوح : اجيبلك شاى بحليب معايا
ممدوح : لا
وتبص لسراج وقبل ماتسأله سراج يبتسم :لا
تضحك ياخرابى دايما كاسفنى كدا يعنى هشرب لوحدى طيب
يبص سراج لفيروز : امال سلمى فين مجتش النهاردة كمان انا اسمع انها مجتهده زيك كدا
فيروز : بجد مش عارفة هى قالتلى انها جاية بس شكلها كدا كانت بتاخدنى على قد عقلى وتبص لسماح بقولك ايه رنى عليها وشوفيها هى فين
وتمسك فيروز الجرنال تفر فيه وتحطه بزهق وكل تفكيرها فى كلام مامتها
وتبص لسراج وتحاول تبتسم : يلانكمل شغل امبارح فاكر اللى شرحناه امبارح انا بعد كدا همسكك انت الشغل
سراج : كله تمام واحدة واحدة هقعد مكانك ويضحك
تبتسم فيروز : لالا دا انا كدا اخاف على نفسى انا اكرهه بس ساعتها اكون انا اترقيت يعنى لما تاخد مكانى اروح انا فين
بس عارف انا عندى امل انك تبقى احسن منى وتقرب منى وبصوت واطى وتقعد مكان الاستاذ حسن
يضحك سراج من قلبه ويبصلها وميردش ويبدأوا يخلصوا الشغل


تتصل سماح على سلمى تلاقى الموبايل مقفول وترن تانى برضو مقفول تتنهد يارب تكونى بخير
وتنادى على فيروز بقولك ايه ارميلى الجرنال دا اما اتثقف شوية
فيروز تبص لسماح وتضحك : سماح هتقرا جرنال لالالا هتتحسدى يابنتى
سماح : اتريقى انا بحب اشوف حظك اليوم صفحة المرأه الحوادث كدا
ممدوح : يضحك : حظك اليوم طريقك مسدود مسدود

ويرن موبايل سراج ويقوم يرن كانت اسراء اخته بتطمن عليه

سماح : ماشى ياعم عبد الحليم حافظ وتفتح الجرنال : ياسلام ياسلام (يومك سعيد وستقابل من تحب )
شوفت ياابنى الناس اللى بتدى الامل مش الناس اللى بتقول طريقك مسدود ويضحكوا كلهم

يدخل سراج كنت سامعك بتتكلمى عن الابراج يابنتى : كذب المنجمون ولو صدقوا يلا اقريلنا كدا كام خبر
سماح : خبررررر انت بتشتمنى طب استنى وتفتح صفحة الحوادث دى صفحتى المفضله
يلا اسمعوا احم احم احم

اووووووووول خبر بيقول

((( القبض على اكبر تاجر مخدرات بحى النزهه .......... اصدرت محكمة الجنايات حكمها على ظابط م ح س بالسجن خمس سنوات.......... يقتل عروسته ليلة زفافها ..... يلااااااهوى استنوا استنوا اما لوشف قتلها ليه

فيروز : هاتى يابت انت تطلعى الروح اصلا انا هقرا
واوووووول ماتمسك الجرنال يقع عنيها على

(((مصرع عشيقان فى ظروف غامضه فى فيصل )))

وتبص تلاقى اسم ابو سلمى تشهق لالالا مش ممكن اكيد مش هو اكيد مش هو وتلم حاجتها بسرعه والكل بيسألها مالك وهى مش على لسانها اكيد مش هو
تجرى وتاخد عربيتها وتفتح موبايلها وترن عليها تلاقيه مقفول تخبط على الدركسيون لالالا يارب استرها ييارب
واول ماتوصل لباب البيت تسمع زعيق زينات وبعديها صريييييييييييخ سلمى

ليه وعشان اييييييه
دا اللى هنعرفوا الحلقه اللى جايه


هناك 29 تعليقًا:

همسات وبحــ الحياه ــر يقول...

شوفتوا متأخرتش عليكم ازاى :)

يااااااااارب دايما حلقات القصه تنال اعجابكم

طبعا الفتايين بيشجعوا واحنا معاهم ههههههه

والكل كان متوقع ان التليفون اللى جاى فيروز من سلمى

بس ازاى يعنى هى هتتصل على صحبتها تقولها الحقى شوفى الفضيحة اللى بابا سابهالنا لا طبعا

همسات وبحــ الحياه ــر يقول...

وكمان بشكركم كلكم واحد واحد على متابعتكم لمدونتى الصغنونة المتواضعه دى

بحبكم فى الله بجددددد

قطرة وفا يقول...

ليه بتشوقيييييييييييييينا كدااااا


نززززلي الجزء الجااااااااااي بسرررررررررررررررررعة


و على فكرة انا برضو لما بكتب غالبا متكون النهايات مش زي ممتخيلتها


يعني الحال من بعضيييه هههههههههه


و هنشوف هيحصل ايه بالباقيين :)

mena يقول...

ع فكرةبقى انتى وحشه وحشه وحشه وانا مخصماكى نزلتى الحلقه ومش قولتلي وكمان انتى مش وخده بالك من منه ليه انا خمصاكى ومش هكلمك تانى بطلى بقى تشوقينى وكمان مجتيش تشوفى البوست الجديد ليه انتى عارفه كويس ان رايك بيهمنى يا وحشه انتى..والله وحشتينى موت

قطرة وفا يقول...

و انا توقعت سلمىى برضووو


متطوليش هااا


:)

mrmr يقول...

يعنى مش كفايه التشويق اللى فى القصه
كمان بتشوقينا بتعليقاتك
ماشى يا عم الكتكت
شوق .. شوق منتظرين الاحداث الجديده والمشوقه ونفسى اعرف نهايه الواد ياسر ده ايه لحسن متغاظه منه قووووووى

دمتى مبدعه حقا يا اجمل همسات

عمرو يسرى يقول...

النهايه الغير متوقعه ابو سلمى لم يمت هههههههههههه
وباقى ابطال القصه ماتوا هههههههه
واو
وياسر انتحر بعد ما اقتل منه ومحمد
وانتهت القصه
هههههههه
خيالى واسع معلش ههههههههههه
مستنى الحلقه القادمه
دمتى مبدعه

محمود(باحث عن حب) يقول...

حببيت اعدى
واقرأ الصبح بقه

رشا يقول...

السلام عليكم
يووووووووووة ليه بتعملي كده
بتشوقينا اكتر واكتر
هستنى القصة الجاية بلهفة
لاتتاخري.
سلامي

موجة يقول...

عسووووووووووووولة
ربنا يباركلك يارب
شوفى بقى
ما بجيش انا بالطريقا دى
عشان يعنى ما اتاخرتيش المرة دى
لاء انتى بتتاخرى كل مرة
الحلقة جميلة ومشوقة
واجمل ما فى طريقة الكتابة
التصور
انا بحس انى شايفة ادامى ناس بيتكلمو ويحكو وفعلا حقيقى
مش مجرد كلام بيتكتب
دام ابداعك يا قمرتى

موجة يقول...

بتحرقى الحكاية ليه
العبى يا قطة فى مدونتك على كيفك وبرحتك

iـــــــــــsــــــــــlــــــــــــaـــــــــm يقول...

تصدقى فعلا ازاى هتقولها على المصيبه ده
والله انتى حيرتينا معاكى
ههههههههههههههه
هو انا فاشل اوى كده فى التخمين
بس متقلقيش انا وراكى لحد اخر حلقه
اما نشوف اخرتها مع فيروز وسلمى وسراج ومصطفى
مين مصطفى ده ؟

Noha Saleh يقول...

زعلانة منك
ايوة زعلانة منك
صحيح لازم تشويق فى الموضوع بس مش كده واحدة واحدة علينا
كنتى طولى البوست شوية المرة دة
هو انا لحقت اقرا حاجة
المرة الجاية طوليها شوية:)

داليـ ـ ـ ـ ـ ـ ــــا يقول...

لا بجد لذيذه
وكنت مستمتعه وانا بقرء
تحياتى ليكى بجد
رائعه

خيط الحرير يقول...

بسم الله والصلاة علي رسول الله
تصدقي أنتي عاوزه حد يقرصلك ودانك..
يعني عماله أقرأ م الصبح عشان أوصل لسلمي وأمها والجريمه..
وفي الآخر الحلقه خلصت..
بتعملي فينا زي المخرجين ..ماشي ..
يادموع...
مش ياجمنكه.

حلم بيعافر يقول...

كويس

متابعين

جايدا العزيزي يقول...

شفتى ياقمر

بتاخر لكن برجع وعليك ادور

لان حكاياتك جميله وطريقه سردك للقصه خطيرة

وحشانى

تحياتى

Dr/ walaa salah يقول...

كده انتي عسوله اوي متتأخريش علينا في الحلقات الله يكرمك

بس بردوا سلمي صعبان عليا اوي

وفيروز كمان باباها ومامتها ناسينها خالص

الله يكون في عونها


يلا يا حبيبتي في انتظار الحلقه الجايه

هيما الفنان يقول...

بجد هايل قوى الكلام الى انتى عملة دة

محمد التركى يقول...

أنتى مش هتجبيها لبر

بطلى بقى تشويق
هتجننينى
ههههههههههههههه

أيه رأيك بقى أنى أنا توقعت ان التليفون ده مش من سلمى
هههههههههه

كداب
انا توقعت انه من سلمى بصراحه

جامده الحلقه ديه
انا خايف منك لحسن التشويق بتاعك ده هياكل تفكيرى
ههههههههه

بجد تسلم ايدك ياكاتبه ومؤلفه سلسه من أجمل حلقات قرتها على البلوجر

بس بطلى بقى تشويق شويه
هههههههه
براحتك
ده أجمل شئ انك بتعرفى توظفى التشويق

تسلم ايدك ياقمر التدوين

تحياتى لأجمل كاتبه

محمـــد التركـــى

Story pain يقول...

الحلقة دى مثيرة جدا رغم انها مافيهاش احداث كتير جديدة...

عايزين الحلقة الجديدة بسرعة

ساسو يقول...

اجمل حاجه اني ببقي في قمه المتعه وانا بقرا
ياسلام عليكي يا روحي
عسوله مووووت
وانا بحبك اوي
في انتظارك يا جميله

gogo!sf يقول...

انجزى ونزلى الحلقه اللى بعدها بسرعه
هو احنا بنتفرج كل اسبوع الله اعتبرينا فى رمضان يا اختى

انا كل مرة يتعمل فينا نفس الموقف ابقى مندمجه جدا وهوب الحلقه تخلص اقول ايه ده المؤلف ده فاشل هههههههههههههه


طبعا بيشدنى اكتر من القصه اسلوبك الجميل بجد ربنا يوفقك يا قمر

تسلم ايدك يا جميل

همس الاحباب يقول...

امممممممم
انا محتاج اتابع من الاول
انا قريت 3حلقات وهشوف البداية ايه
الموضوع مثير وينفع حلقات مسلسل اجتماعى ناجح جدا
تسلم الايادى وفى انتظار الجديد دائما

تحياتى

resalatye يقول...

بجد استمتعت كتير تسلم ايدك يا قمر

لـــولا وزهـــراء يقول...

الحلقة المرة دي خفيفة جدا وظريفة واحداثها سريعة وكلامك فيها متقن يدخل بسرعة لمراكز الفهم بسررررررررررررعة تسلم ايد القمراية
في انتظار باقي الحلقات
لولا

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

سندباد يقول...

اعتقد ان مفيش ملل علي الاطلاق بالعكس الموضوع مشوق جدا جدا وتسلسل الاحداث منطقي للغاية بجد والله بدون مبالغة الموضوع جميل جدا وفي انتظار الباقي
تحياتي الخالصة

محمود(باحث عن حب) يقول...

انا جيت نورت
البلوجر
طبعا

معلش اتأخرت قوى المواصلات
زحمه خالص لمدونتك
المهم
بقه الحلقه دى جميله وممتعه
بجد
فى تطور للاحداث بشكل
جامد
الاثاره
والتشويق
والمتعه
على رأى عادل امام
موجودين
كلهم
عاوز اعرف
المسلسل ده كام حلقه
بالضبط؟
اوعى
يكون زى مسلس الجرىء والجميلات ولا متعرفهوش
اقصد اوشين
بردوا زمان قوى
نقول مهند ده اقرب حاجه
يارب يكون كدع صغنن
ونشوف ابداعات تانيه كده
منك
منتظرين الجديد