الأحد، 26 سبتمبر 2010

انهيااار قلب (ح5)

عرفنا الحلقه اللى فاتت ان كريم دخل فى خناقه والسبب بنت وعرفنا قصه فيروز مع محمود وعرفنا ان ياسر مش عايز منه تنزل مصر وعايز يفضل عامل سى السيد وعرفنا ان الساعه 3صباحا تحصل مصيبه فى بيت يسرى تعالوا نشوف ايه اللى
الساعه 3 صباحا يرن تليفون بيت سلمى زينات تقوم مفزوعه وتجرى ترد على التليفون

زينات بلهفه : خير اللهم اجعله خير ..... الوووو ...... ايوه دا بيت يسرى ايييييييه بتقووووول ايه فين ومين وازاى
وترمى السماعه حتى مش تستنى تسمع بقيه المكالمه وتجرى على اوضه سلمى وبفزع
زينات : سلممممممى ..... سلمممممممى قومى بسرعه ......يالهوى يالهوى
سلمى : بسم الله الحمن الرحيم ...... فيه ايه ياماما مالك
زينات : قومى شوفى ابوكى
سلمى تتنفض : بابا ماله فيه ايه
زينات : انت لسه هتسألى وتسيبها وتجرى على اوضتها تلبس عشان تشوف ايه اللى جرى
سلمى تقوم من على السرير بسرعه وتلبس وهى مش فى وعيها ومفيش على لسانها غير استر يارب ....استر يارب ويجروا هما الاتنين وياخدوا تاكس
زينات : مستشفى الهدى لو سمحت
سلمى ساعتها تشهق : مستشفى ....مستشفى ليه وهو فيه ايه بابا ماله ايه اللى جرى ماتقوليلى ومين اللى اتصل دا وتعيط
زينات : انا مسمعتش غير انه بيقولى جوزك فى مستشفى الهدى استر ياااااااااااااااارب
زينات : ايوه ياسطى على جنب
وينزلوا هما الاتنين ويدخلوا المستشفى وتجرى سلمى على الريسبشن وبلهفه الاقى فين يسرى
الممرضه : يسرى مين !
زينات : انا جالى تليفون بيقول ان جوزى هنا الاقيه فين والنبى
الممرضه : ااااااااه هو يبقى جوزك وتبتسم بسخريه وتشاور بتهكم الدور التالت اخر الطرقه اسألى الدكتور منصور
تجرى زينات .......وسلمى تمشى بالراحه وكل شوية تبص وراها على الممرضه مستغربه اسلوبها وطريقه كلامها وتبص قدامها وتطلع السلم وقبل ماتوصل تسمع صوت مامتها بتصررررررخ تجرى سلمى تلاقى مامتها قاعده على الارض وبتعيط وبتخرخ بحرقه ...... يلااااااهوى يلااااااااااهوى طب ازااااااااااااى سلمى تجرى على ماماتها : مالك فيه ايه وبابا جراله حاااااااااجة تلاقى الدكتور تجرى عليه بابا فين انا مش فاهمه حاجة
الدكتور ميرضاش يقولها ويبتسم : هتشوفوه حالا اتفضلوا معايا تروح سلمى وتسند مامتها وهى مش فاهمه حاجة ومامتها مش قادرة تشيل رجليها من على الارض وقبل مايوصلوا للمكان اللى موجود فيه باباها سلمى تحس ان قلبها مقبوض ومش قادرة تاخد نفسها
ويوصلوا ساعتها تصرخ سلمى : انت واخدنا هنا ليييييييه هو بابا هنا
ويكشف الدكتور وش يسرى : يقربلكم
ساعتها تقعد زينات على الارض مكانها و تجرى سلمى عليه باااااااااااااباااااااااا ايه اللى حصل مين اللى قتلك رد عليا قوووووم يابابا قووووووم ومتسبنيش قووووووم وتحاول تاخدها الممرضه وتخرجها بره
ساعتها يدخل الظابط تجرى عليه سلمى : قولى ايه اللى حصل مين اللى قتله قووولى انا بنته متخبيش عليا
الظابط : اهدى بس اولا احنا منعرفش مين الجانى لكن .....ويخلى الدكتور يكشف وش المجنى عليهاااا
ويبص لسلمى : تعرفيها
سلمى حاسه انها فى كابوس : مين دى لا انا معرفهاش انا مش فاهمه حاجة
يبص الظابط لزينات : تعرفيها
ساعتها تبص زينات بسخريه وتضحك بإستهزاء
الظابط : دى ديدى الراقصه هو شكل باباكى كان على علاقه بيها احنا جالنا بلاغ ان فيه اتنين مقتولين فى شقه فى فيصل
سلمى : ايوه دى شقتنا القديمه طيب اتقتلوا ازاى وليييييييه وازاى يعنى كان على علاقه بيها
الظابط : انا معرفش كان صلته بيها ايه زواج ولا علاقه غير شرعيه بس الاحتمال الاكبر انها تكون غير شرعيه لان مين اللى ليه مصلحه فى القتل غير حد من اهل المجنى عليها ودا على حد شكى الا لو كان باباكى له اعداء تانيين ان شاء الله التحريات شغاله وقريب قوى هنعرف مين الجانى عن اذن حضرتك دلوقتى بس هنحتاجك عشان عندى شوية اسئله محتاج اعرف تفسيرها منك
ويمشى الظابط وسلمى تحس ان الدنيا بتلف بيها ومش مصدقه اى كلمة من اللى اتقالت وترجع خطوتين لورا وتسند على الحيطه وتقعد على الارض وتسأل نفسها مين يسرى انا معرفوش دا مش بابا وتحط اديها على وشها
زينات قلبها كان حاسس ان عمايله دى هتوديه فى داهيه وهتجيبله مصيبه قعدت تخبط على وشها وعلى صدرها وبصراخ : انا قلبى كان حاسس حسبى الله ونعم الوكيل فيك يايسرى حسبى الله ونعم الوكيييييييل يااااااااارب يااااااارب اعمل ايه بعد الفضيحة دى اودى وشى فين من الناس اروح فين واجى منين وتنادى على سلمى ........سلمى .....سلمى
تجرى سلمى عليها
زينات : خدينى من هنا عايزة اروح خرجييييييينى
سلمى : طب استنى ...... ومتكملش كلامها
زينات بحرقه : انا بقولك قومينى وخرجينى يلاااااا
وتقوم زينات وتروح هى وسلمى ويدخلوا البيت وتقعد زينات على الارض وتمشى سلمى بالراحة وتدخل اوضتها وتقفل على نفسيها الباب وعماله تبص على الاوضه وحاسه انها فى كابوس ونفسها حد يصحيها ويقولها ان كل دا كان مجرد حلم وتترمى على السرير وتنهار فى العياط وكلام الظابط عمال يتردد فى ودنها زينات مش همها انه اتقتل بالعكس هى فرحت انها خلصت من قرفه لكن كل اللى حارق قلبها سمعه بنتها اللى بقت فى الارض وتتسند وتقوم وتروح على اوضه سلمى وتفتح الباب تلاقى بنتها منهارة زينات قلبها يتقطع وتقرب منها وتمسح على شعرها وتطبطب عليها وبصوت حنون : حبيبتى انا عمرى ماتوقعت ان دا يحصل ولا كنت احب اشوفك فى الموقف دا لاكن ماباليد حيله قدر ومكتوب علينا هو اللى حط وشوشنا كلها فى الطين لازم تكونى متماسكه هو ميستاهلش دموعك دى
تبص سلمى لمامتها بعيون كلها عتاب ولوم (ياترى ليه ) : لو سمحتى سبينى لوحدى دلوقتى
تخرج زينات وقلبها بيتقطع على بنتها ومش على لسانها غير حسبى الله ونعم الوكيل فيك يايسرى

************************************************

والساعه 7صباحا يرن المنبه فيروز تمد اديها تطفيه وبعد شوية تقوم تغسل وشها وتصلى وتمسك الموبايل عشان تصحى سملى تلاقيه مقفول تحط الموبايل على المكتب وتشغل شريط نجاه عيون القلب وتروح تجهز الفطار ...... تفطر وتلبس هدومها وتاخد شنطتها ومفاتيح العربيه وتنزل وهى مخنوقه ومضايقه من العيشه لوحديها موت جدتها ساب عندها فراغ .....ومامتها وباباها اللى مش حسين بيها وكل همهم الفلوس سايب جواها جرح كبير
تنزل وتركب العربيه وتمشى شوية والكالعادة تعدى على عم سيد بتاع الجرائد متعودة تجيب من الجرايد من ايام الثانوى

فيروز : صباح الخير ياعم السيد
سيد : صباح الفل ياست الكل
فيروز : ازيك دلوقتى وزاى طانت ونورا
سيد : بخير نحمده ونشكر فضله
فيروز : ادينى بقى الجرنال لحسن متأخره وشكلى هاخد استماره 6
سيد : اتفضلى ياست البنات ربنا يوفقك
فيروز : ماشى وادى 10 جنيه وخلى الباقى معاك حساب باقى الاسبوع :)
سيد : ماتخلى والله من غير فلوس تعالى خدى اللى يعجبك
فيروز : ربنا يخليك ياراجل ياطيب دعواتك ....سلام
سيد : سلام ياست البنات ربنا معاكى وينورلك طريقك ويرجع باباكى ومامتك بالسلامة
تروح فيروز وتركب عربيتها وتروح على شغلها

**********************************************
سراج يصحى ويلبس وقبل ماينزل يروح اوضه كريم عشان يطمن عليه ويفتح الباب يلاقيه نايم ويقعد على السرير جنبه ويقولوا : ربنا يهديك ويبعد عنك ولاد الحرام ويبعد عنك الشيطان يارب اربط على قلبه من الافكار اللى هتأذيه اربط على قلبه من حب الشهوات
وينزل على شغله

***********************************************

تفتح منه عيونها تلاقى ياسر صاحى جنبيها تعمل نفسيها بتتقلب وتاخده فى حضنها (( هى بتحبه اوى هو اول راجل فى حياتها بس تعمل ايه عمايله دى هى اللى ولدت الكره بينهم هى مش قادرة تفهمه بس لازم تستحمل لان ملهاش غيره فى الغربه لازم تعمل كدا عشان تحسسه بالامان انها لما تنزل مصر هترجع تانى .....لكن لو حسسته انها مبقتش عايزة تكمل معاه هيعاند اكتر ))
ياسر يبص لمنه بحنان ويحط ايده على شعرها ويبوسها ويقوم ياخد شور ويغير وينزل على شغله من غير مايصحيها ولا يقولها انه نازل ودا كان بيأثر فى منه مش عارفه ليه هو بيعاملها كدا وتقوم تروق الشقه وتحضر الفطار عشان تفطر

***********************************************
توصل فيروز الشغل وتركن عربيتها وتدخل تصبح عليهم
فيروز : صباح الخير يااحمد (موظف الريسبشن )
احمد : صباح النور فيروز
وتمشى شوية ينادى عليها
احمد : بقولك صحيح منى سالت عليكى واول مااشوفك ابلغك انك تروحيلها
فيروز تضحك : خير ...اكيد عملت مصيبه الكعادة وعايزانى اخرجها
احمد : ربنا يسترها
وتروح فيروز على مكتب منى عشان تشوف عايزة ايه

فيروز : صباح الورد والياسمين
منى صباح الروقان
فيروز : ها قالولى ان منى عايزاكى فى مصيبه جديدة
منى : يالهوى هو انا اتشهرت كدا .....بصى هو انا كنت عايزة 3 ايام اجازة بس عشان مسافرة البلد
فيروز : طب ماتروحى يعنى هو هياكلك
منى : لا يافالحة هيرمى الورقه فى وشى بس ما هو انت عارفة ان مفيش اجازات الايام دى عشان الشغل كتير وانا عارفه ان ليكى دلال عليه وهيوافق
فيروز : وليه يافصيحة الاجازة من اصلوا
منى : فرح بنت عمت عقبالك كدا ياااااااااارب
فيروز : ماشى دعوة رشوة ماشى ....طيب حضريلى الطلب
منى : والطلب جاهز ياباشا
فيروز : دا انت عامله حسابك بقى وايه بقى الل طمنك انى كنت هوافق
منى : احساسى مبيخيبش
فيروز : ماشى قلب الام
اوعى بقى اما اروح انا
منى : قلبى معاااااااكى
فيروز : ماشى صدرينى لوش المدفع وربنا يستر

وتروح فيروز لمكتب الاستاذ حسن عشان تستأذن منه وبعد معاناه يوافق
وتروح تدى الطلب لمنى وخليها تجهز شغلها عشان سماح وممدوح هيستلموه مكانها

ويجيلها تليفون يارترى من مييييييييييييييين
دا اللى هنعرفه الحلقه اللى جايه

هناك 33 تعليقًا:

همسات وبحــ الحياه ــر يقول...

واحجز اول تعليييييق

همسات وبحــ الحياه ــر يقول...

بعتذر عن غيابى الفترة اللى فاتت

لان نفسويا كدا مكنش ليا نفس انى اكتب حاجة خالص

بس الحمد لله الحياه بقت ميت فن وخمناشر

غير معرف يقول...

مين ياتري؟؟؟؟؟

قولي بسرعه

حلوة اوي يا توتا

( نظرة عتاب )

همسات وبحــ الحياه ــر يقول...

بشكر اى حد سأل عليا

ويارب الحلقه تنال اعجابكم

وبجد اتمنى اى حد شايف تقصير من اى جهه فى القصه يقولى عشان اظبطها

تحياااااااااااتى يااحلى مدونين

الــحــــنـــــــــــــــــــين يقول...

جميلة اوى الحلقة دى بس مين اللى قتل الحج اللى فى فيصل ياترى ومين اللى اتصل انا رايى والله تنليه كتاب والله هينجح لان اسلوبك جميل مش مجرد قرايه لا احنا بنشوفهم واحنا بنقرا والله ياريت تفكرى فى موضوع الكتاب ده تحياتى ليكى

DINA WAGDY يقول...

انا قريت الاربع حلقات مع بعض اى خدمات ياتوتى

حرام عليكى وجعتى قلبى
ياسر دا حمااااار يلاخلصينا منه قريب
وخلى منه تنزل مصر ها

وفيروز دى شكلها بتسرح وبتحب كتير هه

بس ياترى مين اللى قتله
ماهو لو على علاقع غير شرعيه يبقى ابوها اخوها جوزها ههههه
سراج دا شكله طيوب اوى

وكريم دا شكله صايع وبتاع بنات وهيروح ورا الشمس

طيب امال اخبار محمد ويارا ايه مجبتيش سيرتهم يعنى :)

بجدددددددددددددد تحفه ياتوتى

ربنا يوفقك

غير معرف يقول...

طيب مش تقولينا مين اللى قتله يا بنتى؟؟
وايه طريقة التشويق الجميله دى
ميييييييين ؟؟؟؟؟
اللى هنعرفه الحلقه الجايه
ادينا مستنين
جميله خالص والله
وطريقة سرد الاحداث جميله وبتعيشينا مع الاحداث بجد........
تسلم ايدك يا توتا
تحياتى

Noha Saleh يقول...

جميلة اوى الحلقة
بس انا مستغربة لما ياسر بيحبها ليه بيعمل كده
الحلقة الجاية بسرعة ماتخليناش نستنى كتير

رشا يقول...

السلام عليكم
والله القصة روووووووووعة فوق ماتتصوري
اعتقد الي اتصل على فيروز سلمى او حد بيقولها على الظروف الي حصلت لسلمى
لاتتاخريش علينا بالحلقة الجاية
مستنية على احر من الجمر
سلامي

جنون عـبقري يقول...

سنعرف أكيد في الحلقة القادمة من القاتل .. تقبلي مروري

حياة يقول...

طبعا حلوة كالعادة ..
وكمان أنا حاسة ان في أمل في حكاية منة وياسر ..
لأنه واضح إنه لسة في ف قلبه ذرة حب .. وبيتهألي ممكن تبقى نهايتهم سعيدة .. وبالنسبة لفيروز عايزاها تلاقي واحد يعوضها عن أهلها اللي اهتموا بالفلوس أكتر منها .. الباقي مليش تعليق عليه..
بس لي عندك طلب .. يا ريت لو تنزلي الحلقات أسرع من كدة لأني بانسى أحداث الحلقات في المدة اللي بتغيبيها ..
تحياتي

عمرو يسرى يقول...

يا خوفى لتعملى زى المسلسلات العربى ونعرف فى اخر حلقه مين القاتل وتتطلع سلمى او زينات هههههههههههه
منتظر الحلقه القادمه

Ramy يقول...

و لا يهمك

أحنا مسمحينك خلاص (:

أهم حاجة رجعتى بالسلامة

اولا انا حاسس ان دة مش ابو سلمى

و ثانيا جوز منه دة متعقد على فكرة

معقد بجد

ثالثا اكيد سلمى هتتصل بفيروز مش عارف ممكن

(:

دة انا رخم اوى (:

هههههههه

متتأخريش لو سمحتى ممكن (:

تسلم ايدك

سندباد يقول...

المهم انك بالسلامة بالسلامة
القصة خدت خط تاني خالص مختلف عن البداية وابتدي يدخل فيها تحريات ومباحث
عجبني اوي النقلات من بطل لبطل بتفكريني بشغل اسامة انور عكاشة في الحلمية لما كان يادوب المشهد ياخد دقيقة واول ما الكلام يسخن يروح ناقل علي موضوع تاني
احسنتي

Sahar Elgafary يقول...

بسم الله والصلاةعلي لرسول الله
قلبي وجعني ..
الله يسامحك..
أنتي عارفه أستوقفتني الجمله..علاقه غير شرعيه..
تخيلي المجتمعات العربيه دلوقتي كلها فيها علاقات غير شرعيه ..
يعني أقصد إن من كتر التحرر اللي بقينا فيه أصبح كل ولد يعرف بنت وإن كان بيحبها موت علاقه غير شرعيه ..ومش لازم بس الوقوع في الزني نطلق عليه علاقه غير شرعيه..ربنا يعافينا أجمعين من كل العلاقات الغير شرعيه ..
ولما نحب ...نكتم حبنا وندعي ربنا ينولنا اللي بنحبه من غير ولا كلمه..عشان لما يتمم لهم بالزواج تبقي حياتهم مستقره وتكمل..وما حدش ها ياخد أبدا جوز حد..
يعني كله مكتوب سلفا..يبقي ليه وجع القلب..أقولك يارب يكون متجوز القتيله دي أرحم لو تبقي مرات أبوها بدل عشيقته..
علي العموم بلاِش الأفلام البوليسي دي أحسن خوفت والله بجد.
أسلوبك رائع ..في الأنتظار.

Dr/ walaa salah يقول...

سلمى صعبان عليا اوي الحلقه دي كانت ضحيه والدها للاسف


الحلقه رووعه يا حبيبتي ربنا يزيدك في موهبتك


انا في انتظار الحلقه القادمه

~ISLAM~ يقول...

الفتايين بيشجعوا مصر واحنا معاهم
اكيد التليفون ده من سلمى
او من الواد اللى كانت بتحبه زمان
او منى اصلى شكلى هعجب بفيروز دى
يلا استمرى

ساسو يقول...

حبيبه قلبي وحشتيني موت
حلقه في منتهي الجمال
بصراحه انا بمووووووت فيكي وفي كل كلامك يا سكره التدوين

MOHAMMED ELBANNA يقول...

همسات
الحلقه دي بوليسيه أوي .
أحيكي على أسلوبك الرائع ... وكأني داخل المشهد وأعيش فيه .
أنتي فنانه .
تقبلي مروري
محمد البنا

باحث عن حب يقول...

السلام عليكم
قاعده على بابا المدونه
هههههههههههههههههههه
طيب يلا اكرام الضيف واجب
غدا وشاى بسرعه
هههههههههههه
الف سلامه عليكى
كلنل بنمر بالحاله النفسيه الوحشه دى
يارب يريح قلبك
بصحيح
عملتى الاغنيه ولا لسه
اسف على عدم القدره على المساعده
اه نسيت الموضوع
بصى
هقرأ وارد
سلام
مؤقتا

موجة يقول...

مش فهمة لحد دلوقتى اللى حصل لسلمى
ومين يسرى ده
هو ابوها اسمة يسرى
طب بجد مش واضحة اووى بالنسبالى النقطة دى

أع ـقل مـ ج ـنـونــة يقول...

اول مرور ليا هنا
عجبتني القصة جدا
هتابعها ان شاء الله

احيكي ع اسلوبك الرائع
فعلا عشت مع الاحداث اوي

برافو ^_^

Story pain يقول...

نهاية الحلقة كالعادة مثيرة جدا وهتخلينى اكلم نفسى لحد ما تنزلى الحلقة الجديدة

تسلم ايدك

mrmr يقول...

يسرى ده طلع راجل مش تمام
يا ترى دى كانت مراته شرعا ولا عشيقته
صحيح الرجاله مالهاش امان عايزه ضربها بالرصاص

ولا ياسر ابو قلب حجر
ومنه ده ست عقله تتمسكن تتمسكن لغايه ما تتمكن ويوافقلها على السفر
ست شاطره تعرف من اين توكل الكتف

ديما كده تخلينا نندمج وبعدين عنصر التشويق فى الاخر
ماشى يا عم الكتكت مقبوله ويستكمل الحلقه الجايه

سامحينى النوبه عارفه انى متأخره لكن غصبن عنى ايام الدراسه بالنسبالى مشكله
تسلمى يا مبدعه الكوووووووون

باحث عن حب يقول...

السلام عليكم
دايما
كده
الرجاله
وحشه
وعاوزه
تنضرب
بالرصاص
ليه كده
برضو فى ستات عاوزين يتعدموا فى ميدان عام
حلقه مشوقه
وجميله

من القاتل
؟
ياريت
ترصدى
مكافأه
و090000000
وكده يعنى
موفقه ومبدعه
معلش انا قريت
بسرعه امبارح
ونسيت اعلق

زينب علي حبيب يقول...

الف ما شاء الله


اسلووووبك بيشد


قريتهم كلهم مرة واحدة وبانتظار الحلقة الجاااااااااااااااااية


:)

Unknown يقول...

على فكرة انا زعلانه منك اوى ومخصماكى علشان تنزل البوست الجديد ومتقوليليش ومتجيش تسألى عليا وتشوفينا مجتش ليه انت عارفه انى بستنى الحلقة بفارغ الصبر وكمان مبقتيش بتيجى وتنورى مدونتى زى الاول يا وحشة انتى....منه

gogo!sf يقول...

يا بت انتى انا مش نبهتك قبل كده متقفليش الحلقه وانا متشحتفه كده وعايزة اعرف اللى هيحصل
انتى حرة يا دودو
بس بجد بتعجبنى جدا طريقه الحكى بتاعتك
اسلوبك رائع ومتميز جدا جدا

هشوفك بأذن الله فى الاسكندريه

يلا سلام ابقى شوفى الصور اللى ع الفيس بوك هتعجبك اوى
باااااااى

gogo!sf يقول...

مين يا بنتى اللى الحياه بقيت معاه كده
هههههههههههههههه المهم انك بقيتى كويسه وبخير ونورتينا من تانى يا قمر

جايدا العزيزي يقول...

ماشألله عليكى يا قلبى

ربنا يحرصك دايما

بتخلينى احلم معاكى

بعدين اخد على كدة

وحشانى

تحياتى

حروف يقول...

جميل جدا ومشوقة علي غير العادة اقرا اول مااصحي الا انك شوقتيني وخلتيني انهي الحلقة للاخر برافو عليكي منتظرة الباقي

momken يقول...

اه مين يا ترى


بس حلوة اوى وممتعه


تسلم ايدك

تحياتى

محمد التركى يقول...

السلامو عليكم

الله الله الله الله

أنا بجد كنت مفتقدك ومفتقد مدونتك الجميله
ومفتقد قصصك

ايه الجمال ده
شكلك ياجميل هتكون كاتب قصه وسينارست
رائع
عندك ملكت التشويق وسرد الاحداث
بطريقه الكتاب والسينارستات الكبار
ربنا يارب
يـــــــــــــــــــــــــارب
يوفقك ويبارك فيك

سامحينى بقى عن طول غيابى المده اللى فاتت
بس والله غصب عنى ظروف نفساويه شديده
وظروف مرضيه كمان
وظروف وظيفيه
منهم لله بقى
ههههههههههههههههههه

المهم انى رجعت وعجبنى جدآ القصص والحلقات
لما اروح بقى اشوف الحلقات اللى فاتتنى

ماتعمليها مسلسل وانا ادور على منتج
ايه رايك؟
ههههههههههههه
يارب أشوفك كاتبه درامه قد الدنيا
انتى بنت طيبه ومحترمه وتستهلى كل خير

وأنا كنت سعيد لما دخلت مدونتى ولقيتك سألتى عنى
ربنا يديم الود والصداقه والاخوه الصادقه

تحياتى لأجمل قلب فى الدنيا
وبهديكى أجمل باقه ورد فرنسيه لأجمل قلب فى الدنيا

محمـــد التركـــى